【小小豬廚房】韭菜花炒魷魚

韭菜花同魷魚依兩樣都係我好鐘意食嘅餸，突然忽發其想將佢地炒埋一碟。估唔到我呢個嘗試又幾成功，仲得到老公讚賞添！ 材料就係一斤韭菜花同埋幾隻鮮魷魚。

1.首先將韭菜花切走啲花芯，之後切段備用。

2.魷魚洗到白雪雪之後，將切成一片片，然後喺面上鎅花。

3.將魷魚放入滾水出水，燙熟至捲起（約3分鐘）備用。

4.炒鍋落油，蒜頭爆香後，再放入韭菜花炒半分鐘。

5.最後放進魷魚片，炒約1分鐘，最後加少少鹽調味。

其實當初我都有啲擔心啲魷魚會炒過火，會令到好韌，因為之前有個不成功例子，不過好在今次都總算成功。魷魚係有煙煙韌韌嘅口感，而且仲好鮮甜添。韭菜花亦都係另一亮點，平時我煮蠔油韭菜花老公都一定唔多點食，仲暗示過叫我冇唔好再煮。不過今次佢都食左好多，仲話都合格啦，所以我當佢讚我啦，哈哈哈！

作者：小小豬的成長日誌

即Like Oh!爸媽Facebook，登記成為Oh!爸媽會員，緊貼第一手親子資訊。