【傑。斯與晴】簡易無蛋流心芝士酥皮撻(2y+)
2018-10-30
媽媽嘅氣管敏感問題足足持續咗幾星期，最近就連小JM都突然發高燒病咗，還好食藥休息後終於無晒事。
見小JM精神唔錯，就帶小JM去食好西兼行街買衫扮靚。 今日嘅小JM 好窩心， 講咗好多令人心甜嘅說話，請容我放閃一下 小JM冧人語錄:
媽咪，你小心行（路），會跣架，拖住（我）啦！
媽咪，熱喎，你呼呼先食啦！
媽咪，你病要藥藥喎﹗乖會快啲好（返）﹗
媽咪，我好掛你/鍾意你呀﹗
媽咪，你唔（駛）驚，有我係度嘛！
全日被嗲精嗲到暈，其實媽媽都好心甜。 問小JM今晚想食咩，佢竟然想食芝士撻， 咁為娘嘅又點捨得唔整呢？ 一於整個特濃流心芝士撻俾你同爸爸嘆﹗