【曾智華】尖子見工失敗記

老友「專業S」為大學學生就業輔導處阿頭，每年皆要為畢業同學準備投入社會，設計多個訓練計畫，例如見工時的態度、衣着、談吐，以至走路姿態等等，皆有一套「必勝模式」。不過，訓練外在條件容易，但訓練內在修為頗難，例如道德觀、價值觀、使命感及專業態度。

昨晚，與S哥啤一啤，聽聽佢最新觀察，又係呻到樹葉都落，因為不少準畢業學生生理心理皆未有準備做個專業打工仔，只Hea下Hea下，唔緊唔要。原因，大部分不用養家及養自己，冇經濟問題，更甚，因香港現今失業率近零，真係誇張到會呼吸者都必定搵到份工做，所以，要訓練呢群懶懶散散者認真見工，好難。