【Adrian Ng】成績唔上唔落最攞命?有人放棄英國大學學位係乜心態?

2018-11-16


以下呢篇文章,可能只適用於全港20%的DSE考生。喺香港讀大學,DSE超過21分嘅同學僅要煩惱入讀乜嘢學士學位,要如何排 JUPAS A1/A2/A3,16分以下嘅同學僅要喺重讀/大專/海外升學三選其一,但16至21分嘅同學一定係「唔上唔落」最攞命嘅一群。

其實「唔上唔落」呢個情況套用到部分想去英國升學嘅同學身上也一樣,考入英國頂尖大學嘅同學需要考獲5*55~544(不包括中文、英文和通識),假如考到444~433,雖然成績不俗,但又未算理想,同學又會點做呢?成績「唔上唔落」,有一啲英國大學會收,但呢啲Option又未必係同學最想入嘅大學。所以有啲同學寧願唔要個大學學位而另擇出路,選擇讀大學銜接課程「國際一年級」,完成課程達到要求就會順利升讀大學Year 2,正式成為大學生。

或者有人會疑惑,「國際一年級?咁咪即係讀Asso/High-Dip囉?咁我香港都有得讀啦!」嗱,我用三個重點糾正下大家觀念先。第一,「保證」——Asso/High-Dip冇guarantee呢個概念,讀Asso/High-Dip嘅學生唔會知道自己要達到幾多GPA先可以升得番資助八大,亦唔知自己最後係咪一定升到心儀嘅科目;而「國際一年級」就有guarantee呢個原則,學校會喺錄取你之際同時俾埋聯繫大學的有條件錄取信你,並白紙黑紙列明只要喺呢一年嘅學習中達到某個分數(通常50~60%)就一定可以升到心儀科目嘅Year 2,而通常升班成功率高達80%左右。

第二,「效率」—— Asso/High-Dip讀兩年,讀完兩年升大學都仲有可能只係升Year 1;而「國際一年級」只需要讀一年,而且讀完係升Year 2,變相同直入英國大學用三年拎到畢業證書所花費的時間係一模一樣嘅。

第三,「融入感」—— 部分讀Asso/High-Dip嘅同學要喺分校上堂,例如讀Hong Kong U SPACE,都唔一定係 Kong U度上堂,所以同學大學體驗同埋融入感相對較少;然而,就讀「國際一年級」嘅同學雖然喺頭一年未正式被稱為一個「大學生」,但生活與Year 1的學生無異,同樣喺大學上堂,住喺大學嘅宿舍,享用大學嘅設施。故此,好多分數「唔上唔落」的同學亦更加放心地放棄原本被錄取的大學Year 1學位,而轉去入讀「國際一年級」。

同學作出呢個選擇,首先最現實嘅原因當然是考慮到學校名氣,以同樣成績分別入讀到嘅大學同埋國際一年級,學校排名上已經有天淵之別。例如我有個學生Jackson,拎住DSE 433想報讀心理學,其實他當時已經被一間全英排名70多嘅英國大學直接錄取讀Year 1。只是,有目標嘅Jackson並不想屈就,故此選擇入讀University of Exeter嘅國際一年級,Exeter作為The Russell Group成員,全英排前12*,其Russell Group之名對將來申請碩士也甚有幫助。一念之間,DSE 433也有機會上到英國頂尖大學,何樂而不為?

而第二個原因則是同學考慮到上堂模式和課程內容。以上堂模式而言,大學嘅課堂多數採用Lecture形式授課,即係一大群學生百零人坐喺一個演講室聽一個教授教書。由於課室眾多學生,既有英國學生亦有留學生,教授並不會因應個別留學生嘅情況而調節其說話嘅速度,若同學英文根基唔係太強的時候,要跟上純英文的教學亦有一定難度;而國際一年級因只招收留學生嘅關係,老師嘅授課形式亦是針對留學生而設,課堂採用Tutorial Class形式,以大概15個同學為一班,老師亦會因應同學語言能力程度而授課,留學生會更加容易適應。

而課程內容上,基本上國際一年級嘅課程和大學Year 1係一模一樣,唯獨不同嘅係會多咗一科Academic English,令同學可以不斷加強自己英文,等之後正式上到大學需要上Lecture時,都唔會出現跟不上課堂進度嘅情況。

如何取捨和決定當然唔係易事,444~433成績「唔上唔落」?講到底自已前路自已抉擇,同學可以思考幾個問題,第一,你將目標訂喺乜嘢高度?係咪求求其其一個學位就得?第二,你認為自己語言能力同適應力好嗎?當去到一個全英環境,你有把握應付得來嗎?先了解自己,才能作出個最明確的決定。

如果同學不知怎麼選擇一間適合自己的大學,不妨參加以下講座:

 

銜接英國頂尖大學「國際一年級」升學講座

日期: 2018年11月26日(星期一)

時間: 下午6時 – 7時

地點:油麻地九龍行10樓01室 LinkedU (油麻地MTR A1 出口)

對象:中四、中五、HKDSE、GCSE、A-Level 、ASSO/HD學生

學生查詢:31840662 (電話) / 61288998 (Whatsapp)

預約:http://linkedu.hk/events/26-nov-2018/

 

作者:Adrian Ng

 

* The Times and Sunday Times Good University Guide 2019

 

熱門文章

如何避開選擇 夏令營 的3大陷阱?|英國Leo老師
03-05
英國升學 │ 蘇格蘭 考試制度 │ 國際教育這條路
04-30
英國大學 升學 | 用Foundation 課程升學的優勢及方法 | 大衛叔叔
01-10
【國際教育這條路】認識荷蘭學制: 從幼稚園到大學
10-28
【讀醫讀law須知】大學熱門學系 A-level揀科攻略
09-04

英國10大最佳 職業治療 學院|國際教育這條路
2024-03-28
英國初中 (Year7-Year9)入學16條常見Q&A:英語學習/課堂學習/輔導功課/學校紀律問題
2024-03-27
體育老師 教數學這個概念正式入主英國中學!|英國Leo老師
2024-03-26
升讀海外頂尖大學或本地神科 先轉讀本地 國際學校 |陳筱芬教育博士
2024-03-25
英國10大最佳 建築 學院|國際教育這條路
2024-03-21
英國小學 沒有功課排名?怎樣有效與本地老師溝通?甚麼是主科分組?SAT的重要性?英國老師逐一拆解8大常見問題
2024-03-18
查看更多   ▸