【Man Man Diary】20週照結構@劉子健醫生
2018-11-30
終終嚟到第20週喇！我是計劃QE順產的。當一照完Oscar 之後我已經book定 Dr Lau。生第一胎時已經搵Dr Lau 照結構，非常滿意。今次第二胎都係一心一意搵番佢。
今次一樣邀請埋隊友嚟，佢非常之樂意，因為Dr Lau clinic 非常之好坐，好似迷你影院咁，有個sofa 位留俾你隊友坐。不過裏面無影相，大家幻想下喇！
去到Clinic 我第一樣就係去洗手間先，我最喜歡佢個超乾淨洗手間，然後我就拎咗d媽媽會form 填，諗住走嗰陣俾姑娘。
等咗一陣，對埋名就同Dr Lau Greeting下，問番基本資料佢會問下你想唔想知BB性別。
今次照咗大約20 min喇，Dr Lau 會同你講解所有要睇嘅部位，不過阿B都郁得好犀利，所以好難照佢個樣，不過我都冇特別期待。
俾大家睇下我第一胎同第二胎嘅4D圖。其實我覺得兩個好似似樣。
完咗之後，我喺出面等report 同埋交番d媽媽會form。我上一胎係自己上網入會架，今次估唔到去Dr Lau到入會原來有咁多禮物，重點系d奶粉！真係好有用！ 因為BB出生之後真係唔知邊隻奶粉啱佢，有咗呢堆禮物我可以鬆一口氣！
總括而言，劉子健醫生又專業，服務又好，笑容又nice喎，隊友又坐得舒服，呢個價錢係物超所值！
作者: Man Man Diary