【綿綿媽媽】回顧生b出院後傷口發炎經歷
2018-11-28
住了6日5夜醫院, 終於可以帶綿綿回婆婆家坐月。
回顧之前生b 過程,可以到 www.ohpama.com/312807
回顧生b後住院經歷,可以到 http://www.ohpama.com/344191
4月28日開刀生綿綿,5月3日就要封拆線。 一直諗住自已順產,無諗過最後突發要開刀,所以之前只預備順產後護理嘅資訊,完全無睇過有關開刀後怎樣護理傷口嘅資料。所以今次經歷令我有小小痛苦。
記得5月1日出院返屋企,諗住預備上牀休息時, 可能腹部傷口痛嘅關係,發現原來自已好似唔識瞓落牀,及喺牀自已起身, 腹部用唔到力,要屋企人扶住先得,因為喺醫院張牀可以自動調較高度及有手柄扶住起身,所以無留意原來咁基本嘅動作都做唔到,返到屋企先知有呢個問題。 當時都有疑問,點解唔覺其他開刀媽媽有呢個問題,自已諗住早期傷口痛啲,以為好正常。