【虎羽有云】一歲BB沖繩親子遊(一) 景點篇

2018-12-12


沖繩唔同東京大阪,並冇JR貫穿成個地方。以往我哋去日本,淨係搭JR已經夠玩又方便。相信有好多朋友,係決定去沖繩之後都會考慮到底會唔會自駕遊。

Wilma媽本身有一個多年雪藏牌,Wilma爸本身亦唔識揸車,所以本身都研究咗好耐,打算非自駕,而且亦已為方便搭巴士,book咗旭橋車站附近嘅民宿。去到Plan行程嘅時候,發現地方之間其實真係好難搵車搭,所以最後補鐘自駕了!

由於係自己揸車,時間方面就彈性好多,今次嘅行程編排都好自由,所以嚟緊就以景點篇、購物篇、美食篇嚟總結今次沖繩5日4夜之旅,等大家編行程時參考一下喇!

美麗海水族館

第一個介紹嘅地方係第一次去沖繩必去嘅水族館。美麗海水族館位於海洋博公園入面,由那霸揸車去都要2個鐘~公園入面其實除咗水族館之外,仲有好多其他設施。沖繩鄉土村、植物園、海洋文化館,仲有日本唯一一個珊瑚礁潟湖內海灘翡翠沙灘。如果係自駕遊可以慢慢玩的話,呢度可消磨大半日時間!

WhatsApp Image 2018-12-05 at 1.16.20 PM

而3歲以上嘅小朋友,未進館前亦可以喺館外嘅攀爬區先放放電!一入水族館,就有海底生物觸摸池,有唔同樣貌嘅海星、海參等等。魔王芊仲細,就由揹住佢嘅爸爸代摸喇!區域內亦設有洗手區。

WhatsApp Image 2018-12-05 at 1.16.16 PM (1)

熱門文章

紐西蘭100天無本土確診 民眾生活幾乎恢復正常 3大措施阻傳播
08-11
【好人好事】台灣7歲女童離世前愛吃薯條 連鎖快餐店破例早上即場炸+送玩具
08-10
【育兒心聲】雖然出門不再光鮮亮麗 重心也不再是自己 但是我超滿足的
08-06
一款嬰兒頭枕塑化劑超標 海關籲立即停用
08-10
【新冠肺炎】病毒殺入大澳 元朗兩日15人染疫慈雲山0確診
08-10