得閒仲「玩埋一份」做超人手勢 消防父女兵齊做滅火先鋒
2018-12-15
最近「任何仁」紅爆網絡，好多人都關注消防處嘅網上帖文。昨日處方喺社交平台上載一條名為「使命．承傳」嘅短片，消防處唔單止有多對「父子兵」，仲有至少三對「父女兵」。
消防處「使命．承傳」嘅短片中，介紹不少消防世家，最多係子承父業，兩代人都係滅火先鋒，小妹亦發現最少有三對「父女兵」，其中一對好有趣，個女細細個嗰陣留咗個「冬菇頭」，貼靠爸爸影相，好sweet。爸爸入職消防處三十一年後，個女長大了，少了兒時嘅可愛感，但巾幗不讓鬚眉，仲成為女消防員，兩父女工作救急扶危，冇任務在身時就「玩埋一份」，一齊做出超人手勢，真係好有型喎！