【不再是緊張大師】15張漫畫抵死道出「第1胎 vs 第2胎」待遇大不同
2018-12-20
對於一眾新手爸媽嚟講，首次迎接bb出世一定會份外緊張。食嘢一定要食最好、最天然；買嘅bb衫仔，一定要係最舒服，用料一定要係最柔軟，最貼近bb嘅幼嫩膚質；買嘅玩具，唔係積木，就係砌圖，最緊要有啟發性同夠益智；總之一句講晒，只要係同bb有關嘅，都一定要係最好！不過假如經歷過第一胎，而又有幸迎來第二個小生命嘅話，情況就會好似以下15幅漫畫咁，有著180度嘅轉變，唔知各位爸媽們認唔認同呢？
1 懷孕前的飲食
第一胎時：「我只會食高蛋白質、少碳水化合物嘅食物，咁樣個bb就會好健康！」
到第二胎時：話知佢啦！我想食咩就食咩呀！！！（個食相同《千與千尋》個「無面男」幾似……）