【米豬媽媽】檸檬香茅蒜香雞翼
2019-01-13
米豬做咗返學繁忙兒童之後，真係好難花心機去諗好多新餸，一嚟買材料又要特登過街市啦，二嚟準備食材時間又短咗，每餐都以快靚正為目標，但快靚正得嚟，都有好西食㗎~~
今次就煮米豬最鐘意食嘅雞翼，每次去到supermarket都指住包雞翼話要食翼翼，好啦、好啦~ 咳咳痰痰都冇晒，就整雞翼啦~~
今次材料超簡單！
有機雞全翼8隻（因為米豬鐘意食雞槌）
蜜兒廚房 檸檬香茅蒜蓉醬 2湯匙
係啊，你冇睇錯呀，我竟然用現成醬料呀！
因為係用本地種植嘅香茅，再加檸檬同埋獨子蒜，用靚女廚師蜜兒嘅獨家配方製成，絕對不含添加劑同埋味精，梗係放心俾米豬食啦~
獨子蒜同埋香茅對身體仲好有益添，我平時煮餸都有落㗎，不過要自己洗洗切切，再加隻米豬响廚房門口媽媽媽媽媽……所以都好少再整喇，而家有檸檬香茅蒜蓉醬就慳好多功夫喇~!