【小小豬】健脾明目 淮山杞子龍眼肉煲日月魚湯

日月魚對眼睛好，加上佢嘅價錢又唔係好貴，最重要係小小豬都好肯飲日月魚湯，咁我就當然係密密煲多啲，希望四眼豬嘅近視唔好加深。

今次去入貨時同店主叔叔傾開，佢就教左我煲食個淮山杞子龍眼肉煲日月魚湯，既可以健脾胃，又有助明目，兩樣都好似幾啱小小豬(最好就係超易煲..哈哈)，所以就買齊材料煲靚湯俾我嘅豬大少飲啦~

日月魚可有醫治眼疾、明目、補腎益肝、養顏美髮功用。牠的營養成分很高，含豐富蛋白質、磷、鐵、碘及鈣質，所以對調節人體代謝平衡及促進生長都有一定幫助；淮山健脾開胃，其他好處為治療久泄久痢、肺氣虛燥、及消渴尿頻等症；杞子有滋養強壯又明目 ，對於視力減退、腰痛及糖尿病患者有功效；龍眼肉就有補益心脾，養血安神的功效。(網上資料)