湯水食譜｜補腦又明目 合掌瓜日月魚瘦肉湯
2024-02-20
小小豬月尾就考試(都好似未開始溫書添……大件事了)，溫習一向都唔洗我負責，但我都要做返少少嘢嘅，所以我就煲簡簡單單咁煲返個合掌瓜日月魚瘦肉湯，等豬仔補補腦仔同眼仔，到就可以舒舒服服咁迎接考試啦！
日月魚可有醫治眼疾、明目、補腎益肝、養顏美髮功用，含有豐富蛋白質、磷、鐵、碘及鈣質，所以對調節人體代謝平衡及促進生長都有一定幫助；合掌瓜利尿排鈉，有擴張血管、降壓之功能。據醫學研究報道，合掌瓜對兒童智力發展影響較大，可以提高智力；南北杏可止咳下氣，潤燥消積；陳皮理氣健脾、燥濕化痰。