【米豬媽媽】米豬第一次唔駛我陪上堂
2019-03-14
有睇開米豬page嘅朋友應該知道，米豬大個仔要返2歲班喇，對媽媽嚟講，重點唔係教學內容，係分離 T^T 媽媽有很強烈的分離焦慮症啊！！！！！！
今日係第一日返喇，陪米豬入咗班房，識咗2個朋友仔，老師就話我同佢講聲我會出去，一陣返嚟，我就走咗喇….. 今次鼠走嘅理由係 —- 媽媽要去屙便便
入咗班房9:07就鼠咗出嚟喇，線眼老師好好人，見我有分離焦慮，即刻問我拎電話去偷拍米豬上堂情況比我睇，見到佢好乖咁參與上堂活動，好安慰呀～
10:07 分開咗一個鐘，米豬完全冇搵過我 ！！！ 嗚哇T0T你會唔會太叻仔呀 >3<️ 明明平時去邊都扯住我條裙，今日可以自己上一個鐘堂！好叻好叻呀！
我終於知道原來等放學嘅唔止小朋友，仲有媽媽，真係估唔到米豬第一堂就可以唔搵我，大個仔喇真係，諗返呢一年以嚟自己湊佢，由學行到跑，爸爸媽媽到寸咀，真係過得好快，媽媽原來真係會唔捨得你大㗎
我企正响班房門口都冇發現我……. -_-
