【小小豬】祛濕解毒 - 牛大力土伏苓粉葛紅蘿蔔豬骨湯
2019-03-18
天氣濕濕漉漉 ,令人覺得好易倦兼周身唔舒服,又係時候要煲番個超強勁嘅祛濕解毒湯水。
牛大力土伏苓粉葛豬骨湯之前都煲過好幾次,今次同店主姨姨傾開,佢就教我加埋紅蘿蔔一齊煲,話出嚟會甜多啲啲,小朋友又會鍾意飲多啲。既然係咁…就緊係要試下啦~
牛大力有助補虛潤肺,強筋活絡,治療腰肌勞損;土茯苓除濕解毒、通利關節,有效治療皮膚痕癢;粉葛有清熱下火、生津之效,尤其對於骨火、胃火盛者功效顯著,而且仲可以治療熬夜頸背筋骨酸痛;扁豆可以健脾和中,消暑化濕;赤小豆就利水除濕,和血排膿,消腫解毒;紅蘿蔔有健脾助消化、潤燥明目;陳皮理氣健脾、燥濕化痰;蜜棗止咳潤肺、化痰平喘功效。(網上資料)。