【QB媽媽】 屯門超大Party Room 一家大細都岩玩

2019-04-03


好多人都知QB媽一家住在元朗區,平時冇乜必要真係唔太想出城,奈何成個新界西一間似樣的親子餐廳同Playhouse都欠奉,要揾地方帶QB玩,真係下下都有穿州過省出城嘅感覺﹗好彩,天無絕人之路,前排比我無意間發現近近地嘅屯門有一間好有規模既Party Room,收費唔貴,而且最好係大人細路都有唔少嘢岩玩喎,於是約埋同樣係3月生日既媽媽朋友一家一齊去玩下。

我講既嘅係就近屯門市中心既「Why Open」Party Room,喺屯門站行過去,大約10分鐘左右,一啲都唔難揾,雖然喺工廠大廈入面,不過佔地全層,感覺夠私癮同安全﹗一入內,有一排膠鞋櫃,入屋除鞋係常識吧,而店方亦很貼心提供拖鞋俾大家換。

一入內,可以用一望無際去形容! 全個場無樑柱位,視野好開揚,佔地有成3600呎,真係超超超大呀﹗咁大嘅場,包場開Party幾多人都無問題呀,超正!

人少少包唔晒成個場,仲有獨立房間可揀,只要夠6個人就可以包房,咁就易成事好多﹗場內有3個獨立房,都各有唔同特色同設計架,如包房都可共用外面嘅設施。

房間好光鮮企理,有一排梳化椅坐,仲有啲home feel,幾舒服。

熱門文章

【外傭熱話】工人姐姐想分餸廚房獨享 港媽寧同枱食批「難服侍」
09-16
【學校復課】1點半落堂 2點半回家再上Zoom 教育界人士狠批:趕成咁為乜?
09-18
【家庭教育】2歲仔丟爛新買電視原來為英雄救美 爸爸嬲唔落:原來兒子咁有正義感!
09-17
【家庭教育】2歲仔丟爛新買電視原來為英雄救美 爸爸嬲唔落:原來兒子咁有正義感!
09-17
【怪獸家長】任1歲B斷奶一日逼自行進食 港媽:我真係當佢狗咁養
09-18