【湊仔爸與返工媽】體諒
2019-04-18
之前有一段時間,阿豬媽工作比較忙,平日回到家時已筋疲力竭,但總是有很多很多事還要做。而最大件事,當然是那個已經等了我一天的阿豬。
人累了,火氣當然比較大,而我的火氣也傳染了阿豬。阿豬為了刷存在感,經常出現先而大聲繼而咆哮的情況,我也回敬,爛攤子當然也不好收拾。
「媽咪!媽咪!媽咪!你過嚟!過嚟先!」阿豬又在歇斯底里的大叫。
「我過嚟做乜先?」我躺在地上小休時被騷擾,能有這樣斯文的回應已算不錯。
「你過嚟!過嚟先!」阿豬開始用命令語氣。
「你答我,想我過嚟做乜先?」我快抵受不住他的語氣。
「我叫你過嚟呀!」
我很想一如以往的爆發,但這次我連爆發的氣力都沒有。
「其實媽咪今日返工真係好攰,攰到郁都郁唔到,要休息一陣先可以同你玩。你咁大聲講嘢,我其實都想好大聲咁同返你講嘢,但咁樣其實大家都唔會開心,所以我決定暫時唔同你講嘢住,我要合埋眼冷靜幾分鐘先。」
我以為阿豬會繼續立體聲播放。可是,他靜下來了。
迷迷糊糊的睡了一會後,聽到阿豬輕聲叫我:「媽咪,你休息完未呀?我等咗你好耐喇。」
聽到這種溫柔的呼喚,即使想繼續睡,我也乖乖起來。
之後的十幾分鐘,是難得令人享受的親子時間。這時我才想起,我根本沒把我的需要告訴過孩子,他又怎會知道要體諒呢?孩子漸漸長大,已不是那個只管呼天搶地消耗父母精神體力的BB,而是一個慢慢學會體諒的「家人」。家人之間,最緊要當然是溝通,為何我沒想過要跟他溝通?
從那天開始,我學習跟這位小家人分享感受,感覺是親子關係進入了新一頁。
你也揭開新一頁了嗎?
作者:阿豬媽@湊仔爸與返工媽
其他文章: