【小小豬】補益肺氣 - 虎乳靈芝川貝鱷魚肉湯

依排我同小小豬條氣管都唔係幾順暢兼有幾聲乾咳，應該又係轉天氣嘅影響，醒起早前有朋友仔介紹咗依個可以補益肺氣同埋提高免疫力嘅湯水俾我，剛好屋企又齊晒虎乳靈芝、川貝同埋鱷魚肉依幾種主要材料，咁就快快手煲嚟等三口子齊齊補補佢啦~

虎乳靈芝對補益肺氣，對提高免疫力都有好有幫助；鱷魚肉有滋陰潤肺、補氣補血、消腫利水及養顏等效用，對治療咳嗽、哮喘和風濕等症狀更見其效。另外，鱷魚肉更含有豐富的蛋白質和骨膠原，而脂肪含量甚至比雞肉更低，絕對是滋補食材；川貝可以清熱潤肺、化痰止咳及散結消腫；淮山健脾開胃、肺氣虛燥；南北杏可止咳下氣，潤燥消積；陳皮主治脾胃氣滯、脘腹脹滿或疼痛、消化不良。(網上資料)

虎乳靈芝半両、川貝半両、鱷魚肉一両、淮山一両、南北杏約一湯匙、陳皮 一角、蜜棗三粒及瘦肉約$40~

鱷魚乾浸至軟身~