【小小豬】提高免疫力 羊肚菌合掌瓜紅蘿蔔豬骨湯

之前聽好多媽媽朋友話羊肚菌係好有益處又好處多多，咁我就緊係又入手買嚟煲俾兩位老細飲。其實網上都有好多羊肚菌嘅湯水食譜，不過始終都係第一次煲，唔知個味道係點樣，所以就保險啲加埋合掌瓜同紅蘿蔔一齊煲，咁就有益得嚟又好飲啦~

羊肚菌有益腸胃助消化、化痰理氣、補腦提神等功效，用於消化不良、痰多氣短。另外還具有強身健體、預防感冒，增強人體免疫力的功效~

合掌瓜利尿排鈉，有擴張血管、降壓之功能。據醫學研究報道，合掌瓜對兒童智力發展影響較大，可以提高智力；紅蘿蔔有健脾助消化、潤燥明目；南北杏可止咳下氣，潤燥消積；陳皮理氣健脾、燥濕化痰；蜜棗止咳潤肺、化痰平喘功效。(網上資料)

羊肚菌半両(約15粒)、合掌瓜兩個、紅蘿蔔一條、南北杏一湯匙、蜜棗三粒、陳皮一角及豬骨約$40~

羊肚菌用清水浸10分鐘，之後剪開去除雜質，然後擠乾水份備用~