【統一派位】自殺式填表方法 千祈唔好學
2018-01-17
如果小朋友在小學自行分配階段，未能獲得學位，便要靠「統一派位」了。距離統一派位交表還有不足一個月，大家不妨先了解「如何填好呢張表？」因為話就話「大抽獎」，但如果掌握到填表要訣，都可以增加抽中機會。好多專家都講過點填，不如睇下以下呢啲「自殺式」示範。記住，千祈千祈千祈唔好咁填啊！
1) 所有志願都只填 1 間學校
例子
林爸爸想阿仔讀「喇叭小學」，又住九龍城，於是將「喇叭」的編號4102，填滿曬甲部3個選擇，同埋乙部30個選擇：「阿仔仲唔入梗？哈哈哈！」
分析
哈哈哈！其實咁樣填，只係等同甲1同乙1揀「喇叭」，其他選擇全部留空（放棄）。甲1同乙1咁好彩抽到就恭喜曬，萬一抽唔到就要等到全世界揀曬學校，最後隨機派「賣剩蔗」俾你。家長千祈唔好學！