【老竇唔易做】18個爸爸湊女貼士

媽媽湊女就聽得多啦，但爸爸湊女可以話係困難重重。所以今日整理咗外國網站嘅18個湊女大計俾各位爹哋參考下，學下「湊女小秘笈」。

1. 唔好怕做家務細活

爸爸做煮飯、洗衫、掃地呢啲睇落好簡單嘅家務事，原來會令囡囡印象分大增，仲會開始同爸爸一齊玩煮飯仔添! 其實玩公仔又有咩好怕喎! 只要個女開心就好啦!

2. 抽多啲時間陪囡囡玩

由囡囡一出世夾住塊尿布淨係識爬，到可以行行企企周圍走，爸爸都應該成日陪住佢，多啲搵嘢同佢玩。就好似英國有家人每一晚都會瞇埋眼食晚餐，同個囡一齊感受用味蕾玩遊戲嘅樂趣。

3. 唔好怕煩 耐心咁解答囡囡問題

囡囡有問題，爸爸應該幫佢一一解答，唔好咩都推俾媽咪啦! 唔識嘅可以兩父女齊齊搵答案，無咩嘢係解決唔到嘅!

4. 照顧囡囡 爸媽都有責

囡囡嘅人生得一次，唔好放棄每一個幫囡囡換尿片嘅寶貴機會啦! 可以為佢做多啲嘅就盡情做啦!

5. 早啲令囡囡了解自己嘅身體

有研究顯示，愈早知道身體部位名嘅小朋友會愈靈活，仲可以同醫生溝通得好啲。美國一間性暴力資料中心嘅預防專家Laura Palumbo仲話，如果小朋友識多啲身體部位名，就可以快啲俾佢哋了解到自己嘅身體構造，仲可以同父母溝通得好啲，預防兒童受虐事件發生，學識保護自己。

6. 教識囡囡一技之長

爸爸無論有咩技能都可以趁細個教下囡囡，等佢可以喺朋友仔面前展示下，亦都為爸爸感到驕傲。

7.  做個好老公

得閒幫下老婆手湊女，等佢有時間可以沖下涼、出個街、唞一唞，享受下人生。

8.俾多啲安全感囡囡

作為囡囡生命中第一個男人，只要俾多啲愛同關懷佢，囡囡大個咗都會照顧番爸爸。

9. 放工陪囡囡傾下偈

平日嘅時候，個囡無見爸爸成日實會心掛掛，所以無論幾忙都好放工都最好搵下個女。

10.  多啲參與母女活動

當兩母女出去玩嘅時候，爸爸千萬唔好怕醜，一齊參與佢哋嘅活動，留下一個美好回憶吧!