【小小豬廚房】五指毛桃潤肺湯
2016-01-10
肥媽一出…真係天下無敵。依排真係好多朋友仔都跟肥媽煮餸煲湯，當然….我都係其中一份子，因為我都係肥媽FANS嚟，都會跟佢煮下餸，真係勁方便又簡單啱晒我。
就係似前幾日見佢煲左個五指毛桃湯，聽見六號話幾咁好味，又話好香椰子味，椰子控的我即時心心眼，好想煲嚟飲！
原本我都想買新鮮嘅五指毛桃嚟煲，點知行過幾間店都話賣晒，肥媽威力有幾勁呢…哈哈哈。最後我就去左藥材店買到，相熟店員就教我煲左依款五指毛桃潤肺湯，話大人小朋友都啱飲呀。
材料都係好簡單，只需要買$30豬肉連同五指毛桃、百合、海底椰、玉竹及蜜棗一齊煲就可以。基本上所有材料係藥材店都可以買到，只需要同店員講有幾多人飲，佢就會執所需份量~
依啲就係五指毛桃，我係網上搵到嘅資料，原來對平肝明目、滋陰降火、健脾開胃、溢氣生津、祛濕化滯、清肝潤肺等都好有作用，所以一家大小都好啱~
將所有湯料浸洗約10分鐘，豬肉洗淨汆水~