【Candy】主婦也考牌
2019-05-16
全職家庭主婦，絕對是一們專業。由晨早五、六點做到深夜十點、十一點，在一天之內分身角色變變變，還要趕幾十條deadlines。這些「主婦之日常」，咁都handle到的，不是有強勁的工作能力，就是有過人的堅毅意志。
回顧工人姨姨放假的這兩個月，我的生活忙了，得著卻比我想像中多：
。最大的挑戰係在狂風暴雨中帶住兩個小朋友去街市買餸（成功挑戰兩隻手又拖小朋友過馬路、又擔遮，又拎餸）；
。最辛勞的家務係換牀單。需知在一間夾硬放三張牀的房間內要換牀單已經寸步難移，仲要將隻手攝入去牀與牀之間的罅隙才能托起張笨重嘅牀褥攝張牀單入去。加上個貪玩的佬寶寶總要在此時跳上牀上玩「瀡滑梯」，難度再提升十級。但我咁都仲堅持到每星期咁換，我要自我嘉許一下；
。生活每天都很充實，覺得自己做咗好多嘢；