蕃茄食譜 推介|用蕃茄做出百變美味健康菜式

2020-05-24


蕃茄食譜 千變萬化,蕃茄酸酸甜甜夠開胃,大人細路都鍾意,今次為大家推介多款 番茄食譜 ,包括湯水、家常小菜、小朋友摯愛的pizza、簡單易整的小食,好味又營養豐富。營養師黃榮俊(John)更表示,番茄屬蔬菜類,除提供豐富纖維,胡蘿蔔素亦能幫助維持眼睛、皮膚及上呼吸道的健康,而茄紅素對血管修復亦具有很大幫助。

健康美味 蕃茄食譜 大合集

1-5 番茄食譜 (湯水篇)

1. 蕃茄薯仔豬骨湯

材料:
蕃茄3個
薯仔2個
紅蘿蔔1條
洋蔥1個
豬骨$35

做法:
1. 豬骨先飛水備用,紅蘿蔔去皮切件,洋蔥去衣切塊。
2. 蕃茄去蒂切塊;薯仔去皮切角。
3. 煲內放約2L水,待煲滾後加入所有材料。
4. 待再次滾起後,繼續先用大火加蓋煲約10分鐘。
5. 然後轉慢火加蓋煲45分鐘。
6. 最後加鹽調味就可以飲得。

蕃茄食譜-番茄食譜-蕃茄薯仔豬骨湯   

詳細內容:蕃茄薯仔豬骨湯 食譜|營養豐富 簡單易整【小小豬】

2. 蕃茄薯仔三文魚頭湯

材料:
三文魚頭 1個 (開邊)
蕃茄 5個
薯仔 1大個
洋蔥 1個
薑 3片
水 約2.2L

做法:
1.三文魚頭洗淨去腮,用廚紙抹乾水份,用醃少許胡椒糊及鹽醃半小時以上。
2. 將水煮滾備用。
3. 蕃茄及洋蔥切件;薯仔切粒。
4. 鍋內加入洋蔥、蕃茄及薯仔炒勻,加入1.5L熱水煮滾。
5. 另一邊廂,三文魚頭撲上少許粟粉,預熱鑊爆香薑片,下三文魚頭煎至兩面金黃後,倒入余下的熱水滾至奶白色。
6. 將三文魚連湯倒入蕃茄薯仔的湯煲內,滾起後轉小火煲1小時,加少許鹽調味,完成。

 蕃茄食譜-番茄食譜-家常小菜-小食食譜

詳細内容:【家常湯水】 蕃茄薯仔三文魚頭湯

3. 蕃茄豆腐魚湯

材料:
魚 兩條
瘦肉 約$20
蕃茄 三至四個
豆腐 一小盒
薑 幾片

做法:
1. 薑去皮切片。
2. 蕃茄切塊及瘦肉切件汆水備用。
3. 青根魚洗乾淨之後,印乾所有水份。
4. 先燒熱鑊加小量油,將魚兩邊煎香,加以加約1.5L水。
5. 蓋上蓋 開猛火滾起碼10分鐘大火煮到至湯為奶白色。
6. 隔開魚肉魚骨,湯就倒入煲內。
7. 重覆步驟一次,再將1.5L水倒入煎魚鑊內,直至湯為奶白色再隔開魚肉,湯就倒入煲內。
8. 將薑片同瘦肉放入純魚湯中,以中火煲約三十分鐘。
9. 加入蕃茄煲約二十分鐘。
10. 加入豆腐煲約十五分鐘。
11. 加少少鹽調味。

 蕃茄食譜-番茄食譜-家常小菜-小食食譜

詳細内容: 【小小豬】蕃茄豆腐魚湯

4. 紅衫魚蕃茄薯仔南瓜湯

材料:
南瓜
蕃茄
薯仔
紅蘿蔔
紅衫魚

做法:
1. 將材料洗淨,蔬菜切件備用。
2. 熱鑊下油及薑片,將魚兩邊煎至金黃後下大熱水,淨滾魚湯滾10-15分鐘,過程需一直用大火。
3. 下其餘材料(南瓜最後20分鐘落),轉中小火多滾約60分鐘後熄火下鹽。

蕃茄食譜-番茄食譜-家常小菜-小食食譜  

詳細内容:【成洛媽媽家常湯】清熱解毒 增進食慾發育 紅衫魚蕃茄薯仔南瓜湯

5. 蕃茄薯仔紅蘿蔔石崇魚湯

材料:
石崇魚 5-6條
蕃茄 4-5個
薯仔 1大個
紅蘿蔔 1個
薑片 3片
滾水 2-2.5L

做法:
1. 蕃茄洗淨,切件。
2. 薯仔、紅蘿蔔去皮,切件。
3. 石崇魚洗淨,印乾水。
4. 燒熱油鑊,加入薑片,下石崇魚煎香。
5. 夾走薑片,將已煎香石崇魚放入煲魚袋後,放回鑊,立即倒入滾水,煮滾呈奶白色魚湯。
6. 將其余材料及魚湯放入煲內,小火煲1時45分鐘,下少鹽調味,完成。

蕃茄食譜-番茄食譜-家常小菜-小食食譜  

詳細内容:【鄭小B之成長日誌】健脾開胃 蕃茄薯仔紅蘿蔔石崇魚湯

6-10 蕃茄食譜 (小食篇)

6. 蕃茄芝士薄餅

麵糰材料:
高筋麵粉 250克
幼鹽 4克
速發乾酵母 3克
暖水 180毫升
橄欖油 10毫升
砂糖 10克材料:

配料:
芝士 (Mozzarella)
紅醬 (意粉醬)
小蕃茄 (切半)
羅勒葉

做法:
1. 將所有麵糰材料放入廚師機,拌至成糰並上鈎。
2. 麵糰搓圓,放入盤中發酵約45分鐘,蓋上布,發酵至兩倍大,直至麵糰沒有回彈。
3. 麵糰分成兩份,壓扁至一厘米厚,放在烤盤上。
4. 將薄餅邊緣,續少向內卷入;用叉子在餅皮中間插上小洞。
5. 餅皮中間抹上紅醬,隨意放上小蕃茄和Mozzarella 芝士碎。
6. 蒸焗爐調至薄餅預設功能,放入中層,上下加熱,200度烤20-30分鐘。
7. 當芝士溶化,轉成金黃色就可以趁熱取出,最後添上羅勒葉即可。

詳細内容:【親子食譜】親子抗疫烹飪班 學整蕃茄芝士薄餅

7. 焗鴛鴦芝士番茄杯

焗芝士雞蛋番茄杯

材料:
大番茄 1個
雞蛋 1顆
BB芝士 少許
黑胡椒 少許

做法:
1. 番茄洗淨,切開1/3頂部,挖空番茄,放少許芝士在番茄底部,將雞蛋放入(蛋黃先放),再灑上少許黑胡椒。
2. 預熱焗爐,180度焗20分鐘。

焗芝士圖案粉番茄杯

材料:
大番茄 1個
紫洋蔥 1片
蘑菇 適量
圖案粉/通粉 適量
免治豬肉 適量
BB芝士 少許
橄欖油 少許

做法:
1. 番茄洗淨,切開1/3頂部,挖空番茄,備用。
2. 洋蔥及蘑菇洗淨,切粒備用。
3. 圖案粉煮熟備用。
4. 預熱易潔鍋,掃上少許橄欖油,下洋蔥及蘑菇粒炒勻,加入免治豬肉炒熟,加入圖案粉拌勻,熄火,倒入番茄杯內,面放上芝士。
5. 預熱焗爐,180度焗15分鐘。

蕃茄食譜-番茄食譜-家常小菜-小食食譜

詳細内容:【鄭小B之成長日誌】焗鴛鴦芝士番茄杯

8. 香草番茄薯仔餅乾

材料:
薯仔 1個(細size,約100g)
蕃茄 1個
蒜頭 ½粒
低筋麵粉 150g
香草 ½ 茶匙 (我落咗oregano)
橄欖油 10g(麵糰用)
糖 8-10g (可再減半/省略)
鹽 3g (可省略)

做法:
1. 薯仔連皮煲15-18分鐘,直到可以用筷子輕易拮穿就ok,去皮壓蓉,備用。
2. 蕃茄去皮,用少量油炒到變蓉,加入剁碎蒜頭炒到有香味,備用。
3. 準備一個大碗,倒入麵粉+香草+糖+鹽撈勻,再加入橄欖油,薯蓉及蕃茄蓉,用手混合所有材料,形成一個麵團,放雪櫃備用。
4. 30分鐘後,將麵團由雪櫃拎出,倒喺灑咗麵粉嘅工作枱上,麵粉棍同樣拍啲麵粉防粘,將麵糰碌成約4~5mm薄片。用餅乾cutter切出喜歡嘅形狀,喺鋪好防粘紙嘅焗爐上排好,餅與餅之間留2cm空間,喺餅面用叉拮左啲窿
5. 焗爐預熱170℃,焗12-15分鐘,視乎餅乾嘅厚薄可能需時長/短一點,可觀察餅乾四周,表面金黃就即係已經熟。

 

詳細内容:【柯豬媽媽】BB食譜分享 – 『香草番茄薯仔餅乾』

9. 豬肉薯蓉 番茄食譜

材料:(2餐份量)
馬鈴薯 1個(中)
柳梅豬肉粒 2滿湯匙
母乳或配方奶 適量
番茄 1 個(中)

做法﹕(需時30分鐘)
1. 將原隻番茄放入滾水,焯1分鐘至皮爆開,然後去皮。
2. 將番茄切開,去核,切成小塊。
3. 將番茄粒及豬肉粒蒸15分鐘。
4. 馬鈴薯洗淨,放入煲中,加水至蓋過馬鈴薯,用大火煮至水滾,然後轉用中火烚約 30分鐘,見到薯皮裂開後即關火。
5. 趁馬鈴薯還熱的時候去皮,然後放入碗中,用叉把馬鈴薯肉壓至粗蓉狀,邊壓邊加入適量的母乳或配方奶拌勻。最後, 加入番茄蓉及豬肉蓉即可食用。

詳細内容:【營孖媽】番茄豬肉薯蓉 (適合8個月大或以上)

10. 番茄芝士吞拿魚撻

材料:
去皮白方包 一包
番茄 一個
BB芝士 數片
吞拿魚 適量
無鹽牛油 適量

做法:
1. 先將番茄洗淨,再切成小片,備用
2. 預先將無鹽牛油塗抹於夾板上,再放上白麵包,並壓輕輕按壓成杯狀。
3. 於面包上放入番茄,再放入吞拿魚蓉,最後再將放多一層番茄及放上BB芝士。
4. 用叉及以手輔助,將麵包既四個角向中心輕壓。
5. 最後將夾餅機蓋上,等待指示燈由綠變為紅即可取出。

詳細内容:【傑。斯與晴】小JM料理|簡易。懶人版。番茄芝士吞拿魚撻

11-19 蕃茄食譜 (家常菜篇)

11. 蕃茄洋葱煮野生紅三文魚

材料:
野生紅三文魚 一塊
蕃茄 三個
洋葱 半個

做法:
1. 紅三文魚提早解凍
2. 洋葱蕃茄切差不多大小
3. 中火落油起鑊放蒜頭及薑
4. 紅三文魚兩邊煎香拿起備用
5. 落少量油,炒炒洋葱拿起備用
6. 輕炒一半蕃茄後放入紅三文魚
7. 加適量水、糖及鹽後關蓋煮五分鐘
8. 開蓋後放入其餘蕃茄及洋葱再關蓋3分鐘

詳細内容:【Kylife】筋肉寶寶養育記24M︳媽咪營養小煮意 X 蕃茄洋葱煮野生紅三文魚

12. 紅菜頭番茄楓糖肉碎藜麥飯

材料:
豬肉 90克
紅菜頭 45克
番茄 120克
水 150毫升
楓樹糖漿 1湯匙
生粉水 適量
藜麥飯 適量

做法:
1. 豬肉洗淨切件,放攪拌器內攪碎;紅菜頭去皮,切粒,放攪拌器內攪碎;番茄去蒂,切粒。
2. 鑊內下油加熱,下豬肉炒熟,加入紅菜頭和番茄拌炒至乾身,注入水煮滾,下楓樹糖漿拌勻煮3-5分鐘。
3. 加入生粉水,以中火拌煮至稠身,盛起與藜麥飯一起享用。

詳細内容:【Hilda Leung】紅菜頭番茄楓糖肉碎藜麥飯

13. 蕃茄燴軟熟豬扒

材料:
急凍豬扒 五塊
蕃茄 三個

做法:
1. 急凍豬扒先解凍,再用刀背切向整塊豬扒表面。
2. 再簡單醃好,放入雪櫃備用。
3. 蕃茄隨意切好後備用。
4. 中火下油起鑊煎豬扒,每邊煎兩分鐘拿起。
5. 之後放番茄煮,並加入適量茄醬及糖調味。
6. 最後放入所有豬扒後關蓋煮10分鐘。
7. 開蓋倒入芡汁混合。

 

蕃茄食譜-番茄食譜-家常小菜-小食食譜

詳細内容:【Kylife】筋肉寶寶養育記30M︳孕媽簡單小煮意!配飯一流!蕃茄燴軟熟豬扒

14. 蘿勒紅菜頭番茄燜牛肉

材料:
紅菜頭 半個
番茄 2個
紫洋蔥 半個
蒜頭 1粒
乾葱頭 1粒
蘋果 ¼-½個
牛肉 拳頭size (喺街市買約30蚊)
新鮮蘿勒葉 4-6片
月桂葉 1片
香草碎Oregano、 黑胡椒 適量
水 適量
橄欖油 適量
冰糖 1小粒

做法:
1. 先將蔬菜同肉洗淨切好。紅菜頭、蘋果及番茄去皮切粒;洋蔥、乾葱及蒜頭切碎;牛肉切厚片。
2. 燒熱鍋,落少少油,將牛肉兩面略煎,表面轉色即可盛起。跟住炒配料:洋蔥、乾葱、蒜頭 →蘋果、番茄、紅菜頭。
3. 配料炒至半熟就可以將牛肉回鍋,加埋所有香料及冰糖,再加適量嘅水(水深啱啱蓋住全部材料),轉中大火滾起,蓋鍋收細火燜1小時,期間可以每10至15分鐘攪一攪以防黐底。煮1個小時後可以試味睇下牛肉夠唔夠腍,視乎你BB嘅口味,如果唔夠可以再燜多半個鐘至1個鐘。

   

詳細内容:[柯豬媽媽] BB食譜分享 – 蘿勒紅菜頭番茄燜牛肉

15. 蕃茄海鮮Risotto

材料:
洋蔥 ¼個
蕃茄 1個
珍珠米 ½杯
虎蝦 3隻
香草碎 (oregano, basil)
湯/水 400-450ml
橄欖油
胡椒粉

做法:
1. 洋蔥切碎,蕃茄去皮去籽切碎
2. 湯係用昆布+杞子+圓肉+百合煲45分鐘,煲1公升湯。或者用現成嘅雞湯/蔬菜湯摻一半水減鹹度,放入雪櫃備用。
3. 燒熱鑊,加少少油,炒蝦仁至8成熟,約2分鐘,盛起。
4. 再炒蕃茄直到淋身,盛起。
5. 落油炒香洋蔥,約5分鐘,落米炒到半透明+帶微微金黄狀態,約3分鐘。同時煲滾湯,將100ml湯加入炒米中。
6. 等米飯吸收晒啲湯汁,再加100ml, 重複3次,要不時攪拌以免黏底。
7. 將已經煮淋嘅蕃茄同蝦仁回鑊同米飯拌勻循,再加啲胡椒粉,香草碎 & 糖, 煮多1-2分鐘就完成喇

   

詳細内容:【柯豬媽媽】蕃茄海鮮Risotto

16. 番茄洋葱炆牛肋骨 番茄食譜

材料:
牛肋條 一條
番茄 兩至三個
洋葱 兩個
紅蘿蔔 一至兩條

做法﹕
1. 預先解凍及洗淨牛肋條。
2. 煮滾一鍋水,加入迷迭香葉及牛肋條汆水,再撈出瀝乾,備用。
3. 將番茄、洋葱及紅蘿蔔洗淨,並切成小塊。
4. 番茄、洋葱及紅蘿蔔放入已預熱嘅鍋中,稍為炒香。(*可預先留起1/3嘅番茄和洋葱稍後加入*)
5. 再將牛肋條加入鍋中一齊炆。
6. 可加入少量水、冰糖及豉油稍作調味。
7. 大滾之後就可以轉為細火,慢煮約45分鐘即可。
8. 將先前預留嘅番茄及洋葱放入,再煮15分鐘即成。

蕃茄食譜-番茄食譜-家常小菜-小食食譜

詳細内容:【傑。斯與晴】小JM料理台。BB版番茄洋葱炆牛肋骨

17. 番茄蘑菇牛肉飯

材料:
洋葱 1/3個
番茄 半個
蘑菇 2朵
牛肉 3湯匙

做法:
1. 全部洗乾淨切碎。
2. 牛肉用蒜粉醃5分鐘(今次買到新鮮牛唔使醃咁耐)。
3. 中細火起鑊,爆香洋葱。
4. 撥埋一邊騰出空間,煎香牛肉。
5. 煎到牛肉得番好少粉紅色,就可以落蘑菇,全部大兜亂咁炒。
6. 落少少lemon pepper,提升牛肉同蘑菇香味。
7. 炒到蘑菇冇晒水,縮細晒,就可以落埋番茄,炒勻。
8. 同時間另一邊爐頭煲嘅飯啱啱熟,就可以將全部餸加落飯度兜勻。
9. 煮到飯都收晒水、熟晒,就食得喇!

詳細内容:【米豬媽媽】番茄蘑菇牛肉飯食譜

18. 焗芝士蕃茄豬排飯

材料:
梅頭豬排 2塊
蕃茄 2個
洋蔥 半個
熱狗腸 1條
粟米粒 半碗
雞蛋 2隻
冷飯(隔夜飯) 3碗
芝士碎(Mozarella) 半碗
蕃茄意粉醬 1碗
鹽 少許

醃料﹕
橄欖油 2茶匙
黑胡椒 半茶匙
糖 2茶匙
蒜粉(蒜蓉) 1茶匙
生抽 2茶匙
麻油 2茶匙

做法:
1. 將豬排拍鬆,側邊畫上幾刀,再切小件。
2. 加入兩湯匙水,搓揉至吸收水份。
3. 加入醃料拌勻。
4. 熱狗腸切片;蕃茄、洋蔥切件。
5. 將冷飯輕輕揉至鬆散。
6. 用少許油,將洋蔥炒香,盛起。
7. 將雞蛋炒成粒粒狀。
8. 粟米、冷飯下鍋,炒至乾身,加鹽調味。雞蛋回鍋,炒勻。
9. 熱狗腸徵煎。
10. 豬排下鍋,煎至8成熟,兩邊轉色。
11. 炒飯先入烤盤,依次加入其餘配料,最表層灑上芝士碎。
12. 放入焗爐中層,180度15分鐘至芝士轉色,即成。

   蕃茄食譜-番茄食譜-家常小菜-小食食譜

詳細内容:【親子食譜】港式風味 焗芝士蕃茄豬排飯

19. 番茄肉鬆炒蛋 番茄食譜

材料:
番茄 半個切粒
免治豬肉 3湯匙
蛋 1隻
糖 少許

做法:
1. 雞蛋響大碗打勻,平底鑊中小火落油,燒慶鑊後落蛋液,不停撥開佢
2. 炒到開始黐得埋一嚿,但仲有小小蛋汁就離火, 倒落個碗度
3. 原鑊落番茄粒炒到出水,如果你個番茄好生(硬硬地)嘅話,可以落少少糖中和番啲酸味
4. 再落肉碎, 記得篤散住咁炒
5. 炒到見唔到粉紅色,就倒番啲蛋落去
6. 繼續兜兜兜,勻晒之後, 落2湯匙水,煮到收汁就完成喇

蕃茄食譜-番茄食譜-家常小菜-小食食譜

詳細内容:【煮媽媽】番茄肉鬆炒蛋

蕃茄食譜 的營養價值:

1. 鉀質
鉀質幫助調節血壓及肌肉的收縮放鬆,亦可以幫助調節身體水份。

2. 胡蘿蔔素
另外蕃茄有豐富的胡蘿蔔素,幫助維持眼睛、皮膚及上呼吸道的健康,蕃茄含脂溶性維他命,在煮蕃茄的過程中添加油份,如蕃茄炒蛋,會令吸收更加容易。John還表示,蕃茄也可以生吃,只要在進食的過程中同時攝取油份,例如製作三文治時,搽上植物牛油或加入芝士,可以提升攝取番茄中胡蘿蔔素的吸收率。

3. 茄紅素
蕃茄同時含有豐富的茄紅素,對血管修復具有幫助,同時減低男性前列腺肥大及女性的乳腺增生、乳癌的風險。最後,John建議一日進食一至兩個蕃茄也沒問題,但要視乎體質,因為有部分人過量進食會導致肚瀉。

熱門文章

蘋果雪梨水 簡單易整清熱潤肺之選|小小豬
01-08
【Love Kelly’s Kitchen】一星期餸菜 第二回
03-09
鱷魚肉湯 合集|止咳湯水潤肺化痰,改善哮喘氣管敏感
02-10
蕃茄薯仔豬骨湯 食譜|一個簡單食材增清甜味【小小豬】
02-05
【小小豬廚房】化痰止咳又潤肺 - 海星雪梨湯
04-13

親子食譜︱朱古力米通
2021-11-29
家常食譜︱豆腐鮮蝦煲
2021-11-26
親子食譜︱燉羊肩肉
2021-11-26
親子食譜︱紫菜杏仁堅果脆脆
2021-11-25
親子食譜︱韓式牛排骨湯
2021-11-24
親子食譜︱章魚燒
2021-11-23
查看更多   ▸