番茄食譜 推介|30款番茄百變美味健康菜式 番茄湯+pizza+焗芝士番茄豬排飯

2023-12-18


番茄食譜 千變萬化,番茄酸酸甜甜夠開胃,大人細路都鍾意,今次為大家推介多款 番茄食譜 ,包括湯水、家常小菜、小朋友摯愛的pizza、簡單易整的小食,好味又營養豐富。營養師黃榮俊(John)更表示,番茄屬蔬菜類,除提供豐富纖維,胡蘿蔔素亦能幫助維持眼睛、皮膚及上呼吸道的健康,而茄紅素對血管修復亦具有很大幫助。

健康美味 番茄食譜 大合集

番茄食譜 (湯水篇)

1. 番茄薯仔豬骨湯

材料:
番茄3個
薯仔2個
紅蘿蔔1條
洋蔥1個
豬骨$35

做法:
1. 豬骨先飛水備用,紅蘿蔔去皮切件,洋蔥去衣切塊。
2. 番茄去蒂切塊;薯仔去皮切角。
3. 煲內放約2L水,待煲滾後加入所有材料。
4. 待再次滾起後,繼續先用大火加蓋煲約10分鐘。
5. 然後轉慢火加蓋煲45分鐘。
6. 最後加鹽調味就可以飲得。

   

詳細內容:番茄薯仔豬骨湯 食譜|營養豐富 簡單易整【小小豬】

2. 番茄薯仔三文魚頭湯

材料:
三文魚頭 1個 (開邊)
番茄 5個
薯仔 1大個
洋蔥 1個
薑 3片
水 約2.2L

做法:
1.三文魚頭洗淨去腮,用廚紙抹乾水份,用醃少許胡椒糊及鹽醃半小時以上。
2. 將水煮滾備用。
3. 番茄及洋蔥切件;薯仔切粒。
4. 鍋內加入洋蔥、番茄及薯仔炒勻,加入1.5L熱水煮滾。
5. 另一邊廂,三文魚頭撲上少許粟粉,預熱鑊爆香薑片,下三文魚頭煎至兩面金黃後,倒入余下的熱水滾至奶白色。
6. 將三文魚連湯倒入番茄薯仔的湯煲內,滾起後轉小火煲1小時,加少許鹽調味,完成。

 

詳細内容:【家常湯水】 番茄薯仔三文魚頭湯

3. 番茄豆腐魚湯

材料:
魚 兩條
瘦肉 約$20
番茄 三至四個
豆腐 一小盒
薑 幾片

做法:
1. 薑去皮切片。
2. 番茄切塊及瘦肉切件汆水備用。
3. 青根魚洗乾淨之後,印乾所有水份。
4. 先燒熱鑊加小量油,將魚兩邊煎香,加以加約1.5L水。
5. 蓋上蓋 開猛火滾起碼10分鐘大火煮到至湯為奶白色。
6. 隔開魚肉魚骨,湯就倒入煲內。
7. 重覆步驟一次,再將1.5L水倒入煎魚鑊內,直至湯為奶白色再隔開魚肉,湯就倒入煲內。
8. 將薑片同瘦肉放入純魚湯中,以中火煲約三十分鐘。
9. 加入番茄煲約二十分鐘。
10. 加入豆腐煲約十五分鐘。
11. 加少少鹽調味。

 

詳細内容: 【小小豬】番茄豆腐魚湯

4. 紅衫魚番茄薯仔南瓜湯

材料:
南瓜
番茄
薯仔
紅蘿蔔
紅衫魚

做法:
1. 將材料洗淨,蔬菜切件備用。
2. 熱鑊下油及薑片,將魚兩邊煎至金黃後下大熱水,淨滾魚湯滾10-15分鐘,過程需一直用大火。
3. 下其餘材料(南瓜最後20分鐘落),轉中小火多滾約60分鐘後熄火下鹽。

 

詳細内容:【成洛媽媽家常湯】清熱解毒 增進食慾發育 紅衫魚番茄薯仔南瓜湯

5. 番茄薯仔紅蘿蔔石崇魚湯

材料:
石崇魚 5-6條
番茄 4-5個
薯仔 1大個
紅蘿蔔 1個
薑片 3片
滾水 2-2.5L

做法:
1. 番茄洗淨,切件。
2. 薯仔、紅蘿蔔去皮,切件。
3. 石崇魚洗淨,印乾水。
4. 燒熱油鑊,加入薑片,下石崇魚煎香。
5. 夾走薑片,將已煎香石崇魚放入煲魚袋後,放回鑊,立即倒入滾水,煮滾呈奶白色魚湯。
6. 將其余材料及魚湯放入煲內,小火煲1時45分鐘,下少鹽調味,完成。

 

詳細内容:【鄭小B之成長日誌】健脾開胃 番茄薯仔紅蘿蔔石崇魚湯

6. 番茄薯仔濃湯

材料:

番茄 2個

薯仔 1個

洋蔥 1/5個

紅蘿蔔 適量

磨菇 適量

熟三文魚 適量

做法:

1. 切好食材

2. 中火炒番茄2分鐘,加紅蘿蔔、洋蔥、薯仔炒

3. 加水關蓋煮3分鐘,搞拌機搞成蓉

4. 倒回落鑊,加蘑菇、三文魚煮滾,熄火

5. 不加其他材料,直接將番茄攪成蓉,完成

詳細内容:懶人食譜|番茄薯仔濃湯|Kylife

茄食譜 (小食篇)

7. 番茄芝士薄餅

麵糰材料:
高筋麵粉 250克
幼鹽 4克
速發乾酵母 3克
暖水 180毫升
橄欖油 10毫升
砂糖 10克材料:

配料:
芝士 (Mozzarella)
紅醬 (意粉醬)
小番茄 (切半)
羅勒葉

做法:
1. 將所有麵糰材料放入廚師機,拌至成糰並上鈎。
2. 麵糰搓圓,放入盤中發酵約45分鐘,蓋上布,發酵至兩倍大,直至麵糰沒有回彈。
3. 麵糰分成兩份,壓扁至一厘米厚,放在烤盤上。
4. 將薄餅邊緣,續少向內卷入;用叉子在餅皮中間插上小洞。
5. 餅皮中間抹上紅醬,隨意放上小番茄和Mozzarella 芝士碎。
6. 蒸焗爐調至薄餅預設功能,放入中層,上下加熱,200度烤20-30分鐘。
7. 當芝士溶化,轉成金黃色就可以趁熱取出,最後添上羅勒葉即可。

 

詳細内容:【親子食譜】親子抗疫烹飪班 學整番茄芝士薄餅

8. 焗鴛鴦芝士番茄杯

材料:
大番茄 1個
雞蛋 1顆
BB芝士 少許
黑胡椒 少許

做法:
1. 番茄洗淨,切開1/3頂部,挖空番茄,放少許芝士在番茄底部,將雞蛋放入(蛋黃先放),再灑上少許黑胡椒。
2. 預熱焗爐,180度焗20分鐘。

焗芝士圖案粉番茄杯

材料:
大番茄 1個
紫洋蔥 1片
蘑菇 適量
圖案粉/通粉 適量
免治豬肉 適量
BB芝士 少許
橄欖油 少許

做法:
1. 番茄洗淨,切開1/3頂部,挖空番茄,備用。
2. 洋蔥及蘑菇洗淨,切粒備用。
3. 圖案粉煮熟備用。
4. 預熱易潔鍋,掃上少許橄欖油,下洋蔥及蘑菇粒炒勻,加入免治豬肉炒熟,加入圖案粉拌勻,熄火,倒入番茄杯內,面放上芝士。
5. 預熱焗爐,180度焗15分鐘。

 

詳細内容:【鄭小B之成長日誌】焗鴛鴦芝士番茄杯

9. 香草番茄薯仔餅乾

材料:
薯仔 1個(細size,約100g)
番茄 1個
蒜頭 ½粒
低筋麵粉 150g
香草 ½ 茶匙 (我落咗oregano)
橄欖油 10g(麵糰用)
糖 8-10g (可再減半/省略)
鹽 3g (可省略)

做法:
1. 薯仔連皮煲15-18分鐘,直到可以用筷子輕易拮穿就ok,去皮壓蓉,備用。
2. 番茄去皮,用少量油炒到變蓉,加入剁碎蒜頭炒到有香味,備用。
3. 準備一個大碗,倒入麵粉+香草+糖+鹽撈勻,再加入橄欖油,薯蓉及番茄蓉,用手混合所有材料,形成一個麵團,放雪櫃備用。
4. 30分鐘後,將麵團由雪櫃拎出,倒喺灑咗麵粉嘅工作枱上,麵粉棍同樣拍啲麵粉防粘,將麵糰碌成約4~5mm薄片。用餅乾cutter切出喜歡嘅形狀,喺鋪好防粘紙嘅焗爐上排好,餅與餅之間留2cm空間,喺餅面用叉拮左啲窿
5. 焗爐預熱170℃,焗12-15分鐘,視乎餅乾嘅厚薄可能需時長/短一點,可觀察餅乾四周,表面金黃就即係已經熟。

 

詳細内容:【柯豬媽媽】BB食譜分享 – 『香草番茄薯仔餅乾』

10. 豬肉薯蓉 

材料:(2餐份量)
馬鈴薯 1個(中)
柳梅豬肉粒 2滿湯匙
母乳或配方奶 適量
番茄 1 個(中)

做法﹕(需時30分鐘)
1. 將原隻番茄放入滾水,焯1分鐘至皮爆開,然後去皮。
2. 將番茄切開,去核,切成小塊。
3. 將番茄粒及豬肉粒蒸15分鐘。
4. 馬鈴薯洗淨,放入煲中,加水至蓋過馬鈴薯,用大火煮至水滾,然後轉用中火烚約 30分鐘,見到薯皮裂開後即關火。
5. 趁馬鈴薯還熱的時候去皮,然後放入碗中,用叉把馬鈴薯肉壓至粗蓉狀,邊壓邊加入適量的母乳或配方奶拌勻。最後, 加入番茄蓉及豬肉蓉即可食用。

 

詳細内容:【營孖媽】番茄豬肉薯蓉 (適合8個月大或以上)

11. 番茄芝士吞拿魚撻

材料:
去皮白方包 一包
番茄 一個
BB芝士 數片
吞拿魚 適量
無鹽牛油 適量

做法:
1. 先將番茄洗淨,再切成小片,備用
2. 預先將無鹽牛油塗抹於夾板上,再放上白麵包,並壓輕輕按壓成杯狀。
3. 於面包上放入番茄,再放入吞拿魚蓉,最後再將放多一層番茄及放上BB芝士。
4. 用叉及以手輔助,將麵包既四個角向中心輕壓。
5. 最後將夾餅機蓋上,等待指示燈由綠變為紅即可取出。

詳細内容:【傑。斯與晴】小JM料理|簡易。懶人版。番茄芝士吞拿魚撻

12. 番茄芝士牛肉丸

材料

1. 免治牛肉 620g
2. 洋葱碎 15g
3. 番茜 2小匙
4. 肉荳蔻粉 1小匙
5. 鹽:1/4小匙
6. 雞蛋 1隻
7. 鮮奶 90g
8. 粟粉 15g
9. 車打芝士片 6片
10. 橄欖油 15g
11. 白酒 15g
12. 整粒番茄罐頭 400g

調味料

1. 鹽 1/2小匙
2. 現磨黑胡椒 適量

詳細内容:番茄食譜| 番茄芝士牛肉丸 口感鬆軟

13. 羅勒番茄酥皮薄餅

材料﹕

番茄 2個
車厘茄 6粒
羅勒 15片
酥皮 1塊
番茄醬 130克
芝士 210克
蛋 1隻

詳細内容:親子食譜︳羅勒番茄酥皮薄餅

番茄食譜 (家常菜篇)

14. 番茄洋葱煮野生紅三文魚

材料:
野生紅三文魚 一塊
番茄 三個
洋葱 半個

做法:
1. 紅三文魚提早解凍
2. 洋葱番茄切差不多大小
3. 中火落油起鑊放蒜頭及薑
4. 紅三文魚兩邊煎香拿起備用
5. 落少量油,炒炒洋葱拿起備用
6. 輕炒一半番茄後放入紅三文魚
7. 加適量水、糖及鹽後關蓋煮五分鐘
8. 開蓋後放入其餘番茄及洋葱再關蓋3分鐘

 

詳細内容:【Kylife】筋肉寶寶養育記24M︳媽咪營養小煮意 X番茄洋葱煮野生紅三文魚

15. 紅菜頭番茄楓糖肉碎藜麥飯

材料:
豬肉 90克
紅菜頭 45克
番茄 120克
水 150毫升
楓樹糖漿 1湯匙
生粉水 適量
藜麥飯 適量

做法:
1. 豬肉洗淨切件,放攪拌器內攪碎;紅菜頭去皮,切粒,放攪拌器內攪碎;番茄去蒂,切粒。
2. 鑊內下油加熱,下豬肉炒熟,加入紅菜頭和番茄拌炒至乾身,注入水煮滾,下楓樹糖漿拌勻煮3-5分鐘。
3. 加入生粉水,以中火拌煮至稠身,盛起與藜麥飯一起享用。

 

詳細内容:【Hilda Leung】紅菜頭番茄楓糖肉碎藜麥飯

16. 番茄燴軟熟豬扒

材料:
急凍豬扒 五塊
番茄 三個

做法:
1. 急凍豬扒先解凍,再用刀背切向整塊豬扒表面。
2. 再簡單醃好,放入雪櫃備用。
3. 番茄隨意切好後備用。
4. 中火下油起鑊煎豬扒,每邊煎兩分鐘拿起。
5. 之後放番茄煮,並加入適量茄醬及糖調味。
6. 最後放入所有豬扒後關蓋煮10分鐘。
7. 開蓋倒入芡汁混合。

 詳細内容:【Kylife】筋肉寶寶養育記30M︳孕媽簡單小煮意!配飯一流!番茄燴軟熟豬扒

17. 蘿勒紅菜頭番茄燜牛肉

材料:
紅菜頭 半個
番茄 2個
紫洋蔥 半個
蒜頭 1粒
乾葱頭 1粒
蘋果 ¼-½個
牛肉 拳頭size (喺街市買約30蚊)
新鮮蘿勒葉 4-6片
月桂葉 1片
香草碎Oregano、 黑胡椒 適量
水 適量
橄欖油 適量
冰糖 1小粒

做法:
1. 先將蔬菜同肉洗淨切好。紅菜頭、蘋果及番茄去皮切粒;洋蔥、乾葱及蒜頭切碎;牛肉切厚片。
2. 燒熱鍋,落少少油,將牛肉兩面略煎,表面轉色即可盛起。跟住炒配料:洋蔥、乾葱、蒜頭 →蘋果、番茄、紅菜頭。
3. 配料炒至半熟就可以將牛肉回鍋,加埋所有香料及冰糖,再加適量嘅水(水深啱啱蓋住全部材料),轉中大火滾起,蓋鍋收細火燜1小時,期間可以每10至15分鐘攪一攪以防黐底。煮1個小時後可以試味睇下牛肉夠唔夠腍,視乎你BB嘅口味,如果唔夠可以再燜多半個鐘至1個鐘。

 

詳細内容:[柯豬媽媽] BB食譜分享 – 蘿勒紅菜頭番茄燜牛肉

18. 番茄海鮮Risotto

材料:
洋蔥 ¼個
番茄 1個
珍珠米 ½杯
虎蝦 3隻
香草碎 (oregano, basil)
湯/水 400-450ml
橄欖油
胡椒粉

做法:
1. 洋蔥切碎,番茄去皮去籽切碎
2. 湯係用昆布+杞子+圓肉+百合煲45分鐘,煲1公升湯。或者用現成嘅雞湯/蔬菜湯摻一半水減鹹度,放入雪櫃備用。
3. 燒熱鑊,加少少油,炒蝦仁至8成熟,約2分鐘,盛起。
4. 再炒番茄直到淋身,盛起。
5. 落油炒香洋蔥,約5分鐘,落米炒到半透明+帶微微金黄狀態,約3分鐘。同時煲滾湯,將100ml湯加入炒米中。
6. 等米飯吸收晒啲湯汁,再加100ml, 重複3次,要不時攪拌以免黏底。
7. 將已經煮淋嘅番茄同蝦仁回鑊同米飯拌勻循,再加啲胡椒粉,香草碎 & 糖, 煮多1-2分鐘就完成喇

 

詳細内容:【柯豬媽媽】番茄海鮮Risotto

19. 番茄洋葱炆牛肋骨 番茄食譜

材料:
牛肋條 一條
番茄 兩至三個
洋葱 兩個
紅蘿蔔 一至兩條

做法﹕
1. 預先解凍及洗淨牛肋條。
2. 煮滾一鍋水,加入迷迭香葉及牛肋條汆水,再撈出瀝乾,備用。
3. 將番茄、洋葱及紅蘿蔔洗淨,並切成小塊。
4. 番茄、洋葱及紅蘿蔔放入已預熱嘅鍋中,稍為炒香。(*可預先留起1/3嘅番茄和洋葱稍後加入*)
5. 再將牛肋條加入鍋中一齊炆。
6. 可加入少量水、冰糖及豉油稍作調味。
7. 大滾之後就可以轉為細火,慢煮約45分鐘即可。
8. 將先前預留嘅番茄及洋葱放入,再煮15分鐘即成。

 

詳細内容:【傑。斯與晴】小JM料理台。BB版番茄洋葱炆牛肋骨

20. 番茄蘑菇牛肉飯

材料:
洋葱 1/3個
番茄 半個
蘑菇 2朵
牛肉 3湯匙

做法:
1. 全部洗乾淨切碎。
2. 牛肉用蒜粉醃5分鐘(今次買到新鮮牛唔使醃咁耐)。
3. 中細火起鑊,爆香洋葱。
4. 撥埋一邊騰出空間,煎香牛肉。
5. 煎到牛肉得番好少粉紅色,就可以落蘑菇,全部大兜亂咁炒。
6. 落少少lemon pepper,提升牛肉同蘑菇香味。
7. 炒到蘑菇冇晒水,縮細晒,就可以落埋番茄,炒勻。
8. 同時間另一邊爐頭煲嘅飯啱啱熟,就可以將全部餸加落飯度兜勻。
9. 煮到飯都收晒水、熟晒,就食得喇!

 

詳細内容:【米豬媽媽】番茄蘑菇牛肉飯食譜

21. 焗芝士番茄豬排飯

材料:
梅頭豬排 2塊
番茄 2個
洋蔥 半個
熱狗腸 1條
粟米粒 半碗
雞蛋 2隻
冷飯(隔夜飯) 3碗
芝士碎(Mozarella) 半碗
番茄意粉醬 1碗
鹽 少許

醃料﹕
橄欖油 2茶匙
黑胡椒 半茶匙
糖 2茶匙
蒜粉(蒜蓉) 1茶匙
生抽 2茶匙
麻油 2茶匙

做法:
1. 將豬排拍鬆,側邊畫上幾刀,再切小件。
2. 加入兩湯匙水,搓揉至吸收水份。
3. 加入醃料拌勻。
4. 熱狗腸切片;番茄、洋蔥切件。
5. 將冷飯輕輕揉至鬆散。
6. 用少許油,將洋蔥炒香,盛起。
7. 將雞蛋炒成粒粒狀。
8. 粟米、冷飯下鍋,炒至乾身,加鹽調味。雞蛋回鍋,炒勻。
9. 熱狗腸徵煎。
10. 豬排下鍋,煎至8成熟,兩邊轉色。
11. 炒飯先入烤盤,依次加入其餘配料,最表層灑上芝士碎。
12. 放入焗爐中層,180度15分鐘至芝士轉色,即成。

 

詳細内容:【親子食譜】港式風味 焗芝士番茄豬排飯

22. 番茄肉鬆炒蛋 番茄食譜

材料:
番茄 半個切粒
免治豬肉 3湯匙
蛋 1隻
糖 少許

做法:
1. 雞蛋響大碗打勻,平底鑊中小火落油,燒慶鑊後落蛋液,不停撥開佢
2. 炒到開始黐得埋一嚿,但仲有小小蛋汁就離火, 倒落個碗度
3. 原鑊落番茄粒炒到出水,如果你個番茄好生(硬硬地)嘅話,可以落少少糖中和番啲酸味
4. 再落肉碎, 記得篤散住咁炒
5. 炒到見唔到粉紅色,就倒番啲蛋落去
6. 繼續兜兜兜,勻晒之後, 落2湯匙水,煮到收汁就完成喇

 

詳細内容:【煮媽媽】番茄肉鬆炒蛋

23.番茄豬軟骨

材料

1. 豬軟骨 400克
2. 番茄 4個
3. 洋葱 1個
4. 蒜蓉 1茶匙
5. 薑 4片
6. 茄汁 4湯匙
7. 喼汁/白醋 2湯匙
8. 糖 2茶匙
9. 水 500毫升

做法

詳情食譜:家常食譜︱送飯必備菜式 番茄豬軟骨

24.香草煎雙色番茄

材料:

雙色番茄 : 約各200g
露荀: 少量

調味:

鹽 3克
黑胡椒 2克
菜油15 克

裝飾:可以隨意加香草或者檸檬皮絲

做法:

1. 將番茄去頭,洗淨備用。

2. 露荀切後,洗淨備用。

3. 放入預熱好嘅鍋入面煎香露荀,加入番茄煎至上色。

4. 加入調味料拌勻,即可。

5. 上碟時擺上檸檬皮絲或者香草作裝飾呢款香草煎雙色番茄,簡單健康又美味。大家下次去露營、野外煮食時,都不妨考慮一下這道便捷嘅食譜啦。

詳情食譜:露營食譜︳香草煎雙色番茄︳荔枝孖媽

25. 健康南瓜煮番茄

健康南瓜煮番茄

材料:南瓜斤半 + 硬豆腐兩磚 + 番茄3個

做法:

1. 所有材料切件

2. 豆腐兩面煎香

3. 爆香南瓜,倒水中火關蓋煮5分鐘

4. 加豆腐番茄及鹽,關蓋煮3分鐘

詳情食譜:懶人食譜│送飯一流 健康南瓜煮番茄 │Kylife

26. 鮮茄雞翼鍋飯

材料

– 白飯 1碗
– 油 適量
– 牛油 適量
– 芝士 適量

雞翼醃料:

– 雞翼 5隻
– 鹽 1/4茶匙
– 胡椒粉 1/2茶匙
– 紹興酒 1茶匙

醬汁材料:

– 紫洋蔥 1/2個
– 紅蘿蔔 1/2條
– 車厘茄 5粒
– 蒜頭 4粒
– 鹽 1/4茶匙
– 胡椒粉 適量
– 糖 1茶匙
– 茄汁 2湯匙
– 茄膏 1湯匙
– 水 1/2碗

鮮茄雞翼鍋飯 做法

1. 用鹽、胡椒粉、紹興酒醃雞翼。

2. 將紫洋蔥、紅蘿蔔、車厘茄洗淨,紫洋蔥切條、紅蘿蔔切片、車厘茄切開一半,蒜頭切碎。

3. 加油到平底鑊,將雞翼放進去,用中大火每邊煎約2分鐘,期間加蓋。

4. 煎熟雞翼後,兜起備用。

5. 將蒜蓉(保留部分備用)放平底鑊,慢火爆香。

6. 先後將紫洋蔥、紅蘿蔔一同放平底鑊,中慢火爆香,及後加1/4茶匙鹽及適量胡椒粉調味。

7. 加入車厘茄一同炒約1-2分鐘,加入茄汁、糖、茄膏、水,拌勻。醬汁完成,兜起備用。

8. 將牛油放平底鑊上,慢火煮熔,加入剩餘蒜蓉爆香。

9. 加入白飯炒1分鐘,加入醬汁一同炒,慢炒至拌勻。

10. 將飯鋪滿平底鑊,上面放雞翼,再鋪上芝士。

11. 加蓋,慢火焗2-3分鐘,將芝士焗熔,完成。

詳情食譜:家常小菜 | 鮮茄雞翼鍋飯 番茄酸甜開胃 雞油滲透有飯焦效果

27. 番茄牛肉

完成。

材料

– 牛柳 500g (切件)

– 洋葱40g (約1個/切件)

-番茄 100g (約2個/切件)

– 蒜蓉 1湯匙

– 紅葱頭 2件 (切件)

醬汁材料

– 喼汁 1茶匙

– 美極 1茶匙

– 老抽 1茶匙

– 雞粉 1茶匙

– 茄汁 3湯匙

– 茄膏 2湯匙

– 黃糖 1.5湯匙

– 水 180ml

芡粉水材料

– 粟粉 1.5湯匙

– 水 3湯匙

牛肉醃料材料

– 生抽 1湯匙

– 糖 2茶匙

– 蒜粉 1/2茶匙

– 粟粉 1茶匙

– 水 1湯匙

– 梳打粉 1/2茶匙

– 油 1茶匙

做法

1. 醃料的梳打粉先和水混合好,再和其他醃料加入牛肉拌勻,醃至少30分鐘備用。

2. 鑊加入2茶匙油,用大火燒熱,將牛肉兩面煎至金黃,約5成熟,盛起備用。

3. 鑊加入1茶匙油中大火燒熱,加入洋葱絲、紅葱頭和蒜頭炒香,加入番茄同炒。

4. 洋葱軟身加入醬汁轉中慢火煮1-2分鐘,加牛肉拌勻,再加芡粉水拌勻至濃稠,完成。

詳情食譜:家常小菜︱開胃番茄汁+醃炒牛肉要訣 做出頂級水準番茄牛肉

28. 番茄意粉

最後放上碎芝士,即成。

材料

意粉 半包

番茄 兩個

蒜頭 兩瓣

乾葱 一瓣

鹽 一茶匙

茄膏 兩湯匙

茄汁 兩湯匙

牛油15克

碎芝士少許

黑胡椒

做法

  1. 加入油和鹽烚意粉8分鐘,隔水,備用。
  2. 番茄煮約2分鐘,然後放入冷水去皮,切粒備用。
  3. 準備配料蒜頭、乾蔥切碎。
  4. 平底鑊加入油、蒜頭、乾葱爆香,然後加入牛油、意粉、番茄、茄膏、茄汁、鹽、黑胡椒拌匀,最後放上碎芝士,即成。

詳情食譜:簡易食譜| 番茄意粉 10分鐘簡易做法

29. 芝士番茄蛋包飯

材料(2人份量)

1. 白飯 600g
2. 香腸 3條
3. 洋葱 半顆
4. 青椒 半顆
5. 胡椒 適量
6. 鹽 適量
7. 茄汁 5茶匙
8. 芝士 5片
9. 雞蛋 4隻
10. 巴馬臣芝士 2茶匙

詳情食譜:親子食譜︱芝士番茄蛋包飯

30. 番茄燉牛腩

蓋上電飯煲,按煮飯鍵,煮約1小時,完成!

材料

1. 番茄 3個
2. 牛腩 500克
3. 薯仔 3個
4. 冰糖 適量
5. 茄汁 3湯匙
6. 八角 2粒
7. 花椒 8粒
8. 生抽 3湯匙
9. 老抽 1茶匙
10葱薑 適量
11. 五香粉 適量
12. 鹽 適量
13. 料酒 3湯匙
14. 乾辣椒 2隻

詳情食譜:簡易食譜|番茄燉牛腩

番茄食譜 的營養價值:

1. 鉀質
鉀質幫助調節血壓及肌肉的收縮放鬆,亦可以幫助調節身體水份。

2. 胡蘿蔔素
另外番茄有豐富的胡蘿蔔素,幫助維持眼睛、皮膚及上呼吸道的健康,蕃茄含脂溶性維他命,在煮蕃茄的過程中添加油份,如蕃茄炒蛋,會令吸收更加容易。John還表示,番茄也可以生吃,只要在進食的過程中同時攝取油份,例如製作三文治時,搽上植物牛油或加入芝士,可以提升攝取番茄中胡蘿蔔素的吸收率。

3. 茄紅素
番茄同時含有豐富的茄紅素,對血管修復具有幫助,同時減低男性前列腺肥大及女性的乳腺增生、乳癌的風險。最後,John建議一日進食一至兩個番茄也沒問題,但要視乎體質,因為有部分人過量進食會導致肚瀉。

其他食譜:

氣炸鍋食譜| 日式吉列豬扒 金黃酥脆 加入流心芝士味道更豐富

豆腐食譜| 麻婆豆腐 鮮香惹味 豆腐炒不爛有秘訣

熱門文章

美味便當︱41款帶飯飯盒菜式食譜 滋味健康
02-27
去濕湯 合集 |42款清熱消腫簡單易煲排走體內濕氣
09-13
湯水食譜| 土茯苓牛大力湯 超強祛濕健脾胃湯水
05-11
家常小菜| 帶子蝦米蒸豆腐 帶子爽彈滑身 豆腐蛋白質營養豐富
04-17
湯水食譜︱ 鮑魚花膠螺頭煲雞湯 養顏護肝補腎
06-24

19款家常 滾湯 營養美味 最快15分鐘有得飲 適合上班族及廚房新手
2024-02-27
春天湯水 |10款春天湯水 中醫推介去濕湯 有助消腫、健脾胃、化春困、止濕疹痕癢 (附熱/寒底配方)
2024-02-19
新年食太多煎炸小食+玩得夜易上火 25款 清熱湯水 推介
2024-02-15
皮蛋瘦肉粥 生酮簡易食譜 無米都可以煮出軟綿綿粥底
2024-02-08
聖誕大餐食得多 31款 消滯湯水 /茶飲幫到你
2023-12-27
酥皮忌廉雞湯 香脆暖笠笠 人氣酥皮湯
2023-11-27
查看更多   ▸