【禧。熙。之生活點滴】婆婆對孫仔孫女嘅愛係獨一無二 請好好珍惜啊!

2019-05-20


禧禧由岀世開始就由婆婆幫手湊到大概一歲,由飲奶到加固到學習話說和行路,每一個階段婆婆都會問到足,睇到實,甚至乎會岀手處理。

婆婆會成日問我禧禧有冇飲奶,飲左幾多;有冇食野,食左咩野;有冇著衫,著左幾多件;有冇瞓覺,瞓得好唔好!! 我平時間中會蒸魚拆肉俾禧禧食,有一次唔為意俾左隔夜魚肉(隔左兩日)佢食,可能當時禧禧仲細,婆婆好激氣,佢覺得我好大意,怕禧禧食左會肚痛唔舒服。見到婆婆當時緊張既樣,打從心底裡面覺得我個女好幸福,有一個咁錫佢既婆婆。

禧禧亦係一個百日哭既小朋友,由第十二朝開始,每晚凌晨一至五點會毫無原因地喊,喊到五點就會瞓,準過鬧鐘,婆婆每晚都岀手幫忙又抱又氹,仲不停叫我去休息,話唔夠休息會唔夠母乳,又話剛生完小朋友坐月係好重要,記得當時我都好大壓力,成日喊,因為禧禧晚晚喊,一來怕佢有咩唔舒服,二來自己又唔夠瞓,總之就係好難過。嗰段期間真係多得婆婆協助,我同禧禧爸先感覺輕鬆一點。

今日禧禧同婆婆岀街,我影左佢兩婆孫相處既相,自己覺得每張都好靚,因為我見到每一張相都滿載住婆婆對孫女的愛。

作者: 禧。熙。之生活點滴

 

熱門文章

【社會熱話】鄰居投訴5個月大B女哭喊滋擾 媽媽寫信反擊贏盡網民掌聲
08-14
【家長身教】修路工人自嘲「不讀書才做這份工」 媽媽一句讓兒子上人生課堂
08-13
【疫情下被裁員】年過50歲人夫求職屢次失敗 曾「扮上班」免老婆擔心 終放下身段做步兵送外賣
08-14
【新冠肺炎】肉食生產商「丹麥皇冠」142名員工染疫 產品於香港有售
08-14
秀茂坪街市十多隻老鼠撕咬豬殼「開餐」 肉檔遭勒令停業
08-13

【莎倫媽媽】半島酒店 一家三口 $2,682 住宿+早午晚三餐
2020-08-14
小海豹被迫用繩勒頸幫3遊客拖船 虐待動物影片網上引公憤
2020-08-14
【新冠肺炎】本港增48宗確診 葵涌碼頭群組再多3人
2020-08-14
【外傭熱話】菲傭姐姐願放假留家同心抗疫 港媽善待對方相約外出購物:好感恩有個好姐姐
2020-08-14
【新冠肺炎】肉食生產商「丹麥皇冠」142名員工染疫 產品於香港有售
2020-08-14
港產印裔護士入隔離病房抗疫 難忘用家鄉話助非華裔病人溝通
2020-08-14
查看更多   ▸