【Esther Chu】致小一派位家長: 希望在人間
2019-06-02
朋友知道我哋好想睇呢個Show,咁啱佢可以有個好優惠嘅discount買飛,於是帶歇咗我全家可以趁住只係剩返最後兩日嘅Show ,好last minute咁買咗平飛睇期待好耐嘅War Horse。
War Horse 真係好精彩,無論係故事、燈光、音樂、過場、還有栩栩如生嘅馬偶,每一個細節都係十足份量嘅藝術傑作。
響中場休息嘅時候,還遇上半個世紀冇見嘅中學中文老師。當年,我好鍾意上佢嘅堂,加上我間中學好着重中文,所以令我愛上文字。
因此,我知道學校對學生係好緊要,如果唔係我間中學,我就唔會喜歡寫作。 所以我好明白今日有好多仔女準備上小一嘅家長都非常緊張,大學都希望派到間適合仔女嘅學校。