【許許與小BELLA】當媽媽後,自然會出現的有趣舉動!
2019-06-06
做咗人媽媽之後,
除咗買親都係囝囡嘅嘢,
手機唔使講有大量佢哋的相外,
仲要每張每秒表情都唔捨得洗走,
其實仲發覺自己會做出一啲媽媽先會做的舉動,
唔知你哋有無試過呢?!
1. 每次餵佢哋食嘢,當佢哋張開口時,自己通常都會情不自禁地同佢一齊張大個口,直到阿B合埋口自己先會跟住合埋,不過BB有嘢食,阿媽就食空氣,有時仲會幫手配埋音 “mmmm”。
2.曾經睇過篇文章,建議唔好成日同小B講叠字,話會影響發音學習。有時爸爸放工返嚟同阿囡講“抱抱”,“玩玩”,我都會同爸爸講盡量唔好講雙音啦。但其實轉頭自己一日裏頭真係講唔少,換片片,飲奶奶,食餅餅,沖涼涼,換衫衫,去街街……………,明明提過自己,但永遠都會重複,係咪個個媽媽對住BB都會咁嫁?!