【Hey 魚B之日常】魚媽之人奶路分享(健康院)
2019-06-20
餵母乳除咗起步難，相信好多媽媽都遇過乳腺炎
分享下我呢幾個月人奶路遇到嘅問題同解決方法….
記得魚B差不多一個月嘅時候，有晚我餵完奶同魚爸食晚飯嘅時候..
突然左邊胸好似有針拮落去咁痛，隔一陣又再有咁嘅感覺..
初時以為自己太粗魯泵奶，所以先會痛..
一路痛到半夜餵奶俾魚B，發覺乳頭有D紅腫，但係無損到嘅
魚B啜奶嘅時候我就好似俾一堆針拮落去一樣！
我就上網搵資料，個徵狀似係”乳頭念珠菌”..
咁啱第2日我就要帶魚B去健康院，
健康院既姑娘醫生好好，知道媽媽係母乳餵哺都會關心下有冇咩問題或者唔舒服，
醫生幫我同魚B檢查，媽媽就檢查乳房，而魚B就檢查口腔，
因為如果媽媽有乳頭念珠菌而傳染咗俾BB，BB係會有鵝口瘡
(有興趣想知咩嚟上網搵圖片:P 因為有D核突我唔POST出嚟喇)
