【小小豬】提高免疫力 - 蟲草花螺頭節瓜瘦肉湯

行街市見到好靚嘅節瓜，咁就加埋蟲草花同乾螺頭一齊煲，等兩位老細提高免疫力。咁……依排嘅天氣真係陰晴不定，一時又落大雨，一時又出太陽，咁又真係好容易令人病，佢哋一病我就慘啦，所以要趁依家打好個底嘛~

蟲草花就有滋肺補腎護肝、抗氧化、防衰老、抗菌抗炎、鎮靜、降血壓、提高機體免疫能力等作用；螺頭滋陰潤燥補肝腎；節瓜具有清熱、清暑、解毒、利尿及消腫等功效；淮山健脾開胃，其他好處為治療久泄久痢、肺氣虛燥、及消渴尿頻等症；紅蓮補脾止瀉，益腎澀精，養心安神；蜜棗止咳潤肺、化痰平喘功效。（網上資料）

節瓜兩條、蟲草花一両、乾螺頭一両、淮山一両、紅蓮一両、蜜棗三粒及瘦肉約$40~