【小小豬】滋補長高 - 太子參淮山田七瘦肉湯

親戚朋友每次見到小小豬都總係會話「做乜佢咁瘦呀？」「做乜佢咁細粒呀？」「佢依家係咪讀緊一年班？」，真係俾佢哋講到我好似刻薄自己個仔咁，雖然我已經成日同自己講「我點湊又關佢哋乜事？總之我自己知我照顧得豬仔好好就得，個仔精靈聰明就夠」。但…….老實講聽到有時都會十級嬲呀！

唔知點解隻豬仔食極都好似唔多吸收，所以我都好努力咁周圍搵下有冇啲食譜可以幫到手。就係一次去相熟藥材店入貨時，同店主叔叔傾開，佢就教我煲依個太子參淮山田七瘦肉湯，可以滋補强壯同時又有助長高，而且對脾胃功能弱，身材偏矮及偏瘦小朋友很有幫助。

一聽到咁就緊係即刻執返份材料試下煲俾小小豬飲啦~

田七除可以止血外，尚有通脈行瘀及造血之作用，能促進小朋友發育長高 、提高學習和記憶能力的作用；太子參又名孩兒參，它不是參科植物，屬石竹科植物，有人參功效但力稍弱，很適合小朋友用；而配太子參、淮山、紅棗及雞胸肉同用，能健脾補氣血，對小朋友發育長高有一定幫助；淮山健脾開胃，其他好處為治療久泄久痢、肺氣虛燥、及消渴尿頻等症；紅棗均補心脾、益氣安神。(網上資料)