【妹仔大過主人婆？】慘遇黑心中介 僱主「硬食」極品工人

香港人工作繁忙，雙職家庭十分普遍。為照顧家中老幼，很多人都會透過外傭中介公司請工人，可惜中介質素參差，令不少僱主難以請人，或貨不對辦。更壞的是，無論外傭自行辭職或被解僱，僱主也需負擔外傭回鄉的機票，還有一大筆中介費請新工人，招致時間和金錢上的損失。

May (化名) 與丈夫是雙職爸媽，育有兩名女兒，還養了一隻狗，需要請工人分擔一下。可惜好傭難求，不但在中介公司面試時見盡奇人異士，一年內連請兩個工人也未如理想：怠工、破壞王、疏忽照顧、甚至反客為主，擅自帶野雀回住所，直至第三任工人才見正常。

貨不對辦怕辛苦 練精學懶唔煮餸

May表示，第一任外傭在面試時表示懂照顧小朋友和下廚，加上新婚不久，需要打工儲錢，不急著要孩子。可是，該外傭上工不久後便原形畢露。大學畢業的她，態度高高在上，事事學不來，也不願學。「我買埋餸俾埋紙筆佢都唔肯抄低食譜，要我幫佢寫埋。點知佢都唔願學，烚菜都唔識；陪月教煮飯，佢連旁觀都懶。煲湯掉晒啲湯渣，花膠都倒埋。」她亦是個一等一的破壞王，「整壞晒啲電器，電飯煲壞咗，竟將內膽放上電磁爐去煮飯，濕水抹地時會連同頭髮、渣滓直接倒落浴缸，搞到塞埋。」