【傑。斯與晴】觀塘Baby Outlet清貨大開倉。低至10蚊起
2019-08-23
今次係當媽嘅失策，唔記得趁B展幫小JM入貨。
好彩今日去完學校嘅家長日之後，仲有時間俾我去觀塘Baby Outlet嘅清貨大開倉！
我就緊係唔執輸入場睇下有咩筍嘢兼掃平貨啦！
場內貨品更低至半價發售，你都快啲行動啦！
有留意我哋小JM家動向嘅都應該有印象Baby Outlet嘅場地唔算太大，所以如果要帶B車同行的話，記得係門外泊低架戰車先啦！不過咁，記得記得貴重嘢要跟身呀，因為無人會幫手睇戰車㗎～
雖則地方唔大，但貨物種類應有盡有，食、住、行樣樣齊全，可謂麻雀雖小五臟俱全是也！