【和牛b的成長日記】二寶孕記︳醫院預約登記方法 及 第一次QE產檢分享
2019-09-02
相隔四年後，我再決定到QE生二寶。 同時，相隔四年科技亦進步咗好多。 想申請QE生BB，唔需要親身交表，用手機應用程式就可以申請預約，手續亦非常方便。
手機應用程式：「預約通 BookHA」
完成下載之後，就可以選擇「遞交預約」。
預約專科亦有好多，而我哋當然係產科啦～
填妥個人資料，及選擇所屬專科（產科），再選擇你想預約之醫院。
然後再上傳相關醫生轉介信（即註冊西醫嘅醫生證明紙）
最後，核實個人資料再按「下一步」。
同日就會收到SMS短訊通知，申請正在處理中。
數天之後，就會收到醫院姑娘致電聯絡約期。
————————————————————————
第一次QE產檢，需要前往日間醫療中心4樓。 登記後，排隊度高、磅重。 然後等候嗌名，助產士與你會面問症。
同時當日需要帶備醫生轉介信、身份證、老公身份證副本。
由於我係第二胎，上一胎都係喺QE生過，助產士都會問返關於當年大寶嘅資料。
問完症後，會派產檢期。
1.早期唐氏篩查
2.妊娠爆尿測試期 （簡稱飲糖水）
3.大概21週後見醫生（帶同結構超聲波報告）*
然後，再去2樓抽4支血驗血。 之後，就走得㗎啦~ *
而家QE會將列為高危嘅孕婦，先可安排於院內進行結構超聲波，所以一般孕婦都要自行外出搵醫生照結構。
————————————————–
作者: 和牛b的成長日記
相關文章：