【樂善堂轄屬幼稚園】PN 班非讀不可?

2019-09-11


踏入開學季節,爸媽開始為子女入學讀書而忙碌,尤其新手爸媽,已經開始煩惱小朋友學前教育的安排,甚至有很多疑惑,例如:到底幾時開始準備、怎樣去規劃子女教育?今次邀請到樂善堂張葉茂清幼稚園金芳兒校長和樂善堂鄧德濂幼稚園伍淑華校長分享關於學前教育的建議。

 

 

教育規劃幾時開始?

好多時,新手爸媽對如何規劃子女教育都沒有方向,伍校長建議,爸媽可先了解教育局的規定:「根據教育局指引,幼兒2歲開始可以入讀學前預備班(PN班),2歲8個月可以讀幼稚園K1。但有啲爸媽懷孕期間已經會進行胎教,例如近年有唔少研究指出音樂胎教可以令小朋友情緒比較穩定,呢個亦係學前教育嘅一種。」所以,學前教育並沒有一個特別開始的時間,爸媽可按小朋友性格和特質作出安排。

PN 班非必讀不可

爸媽希望小朋友盡早適應校園生活,所以安排各種playgroup 或學前預備班(PN班)給小朋友,PN班課程是學習表達能力、自理能力、社交能力、認知能力等,爸媽可按需要作出安排。伍校長表示:「其實小朋友唔一定要讀PN班,好多時小朋友無兄弟姐妹,或者家長因為工作而無法日日陪住小朋友,所以幫小朋友報讀PN班,豐富群體生活經驗,訓練社交技能。」


▲伍校長補充:「如果爸媽可以自己湊小朋友,帶佢哋出去參加多啲活動,例如去公園,同其他小朋友玩嘅同時都可以培養社交技能。」

家中學前教育

如果爸媽自己帶小朋友,很多PN班課程內容都可以在家中做到。金校長建議:「家長可以喺屋企幫小朋友設立一個時間表,例如:幾點要起身、幾時遊戲、食茶點等等,讓小朋友提早適應有規律生活。」另外,建議爸媽多抽時間與小朋友講故事,都有助小朋友語言能力的發展。


▲金校長說:「很多家長誤以為返PN班就會比其他小朋友叻啲,其實唔一定。據經驗,小朋友喺無讀PN班嘅情況下就直接入讀幼稚園K1,都可以好快適應到。」

建議親身到訪學校視察

不少爸媽都很糾結,不知如何替小朋友選校或報讀PN班,伍校長表示,選擇幼稚園要留意學校理念、學習模式、師資水平及環境資源,大多資訊可以參考教育局的幼稚園概覽。她亦建議:「家長們可親身帶小朋友睇吓心水幼稚園嘅環境、於開放日與該校教師傾計。以樂善堂轄屬幼稚園為例,爸媽如果錯過開放日又想了解多啲樂善堂轄屬幼稚園嘅生活,歡迎打電話查詢。」


▲樂善堂轄屬幼稚園提供多元化活動,希望小朋友透過活動及生活體驗獲得身心均衡的發展。

樂善堂張葉茂清幼稚園
電話:2463 6709
地址:屯門兆畦苑兆強閣地下
了解更多:http://www.lstcymck.edu.hk/

樂善堂鄧德濂幼稚園
電話:2453 7833
地址:屯門富泰邨服務設施大樓1樓2號校舍
了解更多:http://www.lstkgttl.edu.hk/

熱門文章

【Vivi Mama】點寫幼稚園求位信好?(附求位信sample)
09-06
聖方濟各大學升格2月後校長麥建華離任 副校長盧鐵榮署任 適時啟動招聘程序 ︱明愛專上學院
03-07
停辦潮|屯門 新一代英文幼稚園 今年8月停辦 校方指受出生率及移民潮影響
03-07
升中| 英華書院 預計1800人爭80個中一學位 僅設網上申請及單對單面試 校長透露擬開辦IAL課程
11-18
升中叩門 |2022/23學年 100間中學「叩門」收生資料
07-15

用「逆向思維」揀好 幼稚園 |趙榮德
2024-03-05
Woodland與Guidepost一起攜手並進 3所校園將重新改造 建立全新學習環境&遊戲空間
2024-01-29
ABC Pathways International Kindergarten | 中英數尖子搖籃 連續4年97% 入讀 No. 1心儀小學
2024-01-25
幼稚園面試 時孩子突「發難」,家長怎樣應付?|趙榮德
2024-01-15
耀中國際學校 | 項目式學習 為學生培育國際化視野 心繫社會
2024-01-12
圓玄學院幼稚園|圓玄學院屬下幼稚園共斥千萬元增聘外籍英語教師 一半課時採英語教學
2023-12-29
查看更多   ▸