【樂善堂轄屬幼稚園】幼稚園面試係咪準備愈多就愈好?

2019-09-19


小朋友如明年入讀幼稚園的話,爸媽應該忙於選擇心儀學校,甚至搜集相關學校的資料作報讀申請及面試的準備。到底如何為小朋友挑選合適的幼稚園?面試前小朋友是否需要做多些相關練習?今次邀請到樂善堂李賢義幼稚園容燕儀校長和樂善堂梁泳釗幼稚園麥瑩珠校長分享大家關心的課題。

 

宜選距離屋企較近的學校

爸媽很多時不知以甚麼準則挑選幼稚園,部分家長以為某些學校名氣好,即使跨區也去報讀。容校長說:「如果學校太遠,小朋友需要較早起身,甚至要每日趕校巴,其實並唔適合年紀細嘅小朋友,建議爸媽應優先選擇屋企附近嘅學校。」另外,爸媽需要留意學校的辦學理念是否與自己教育理念相符,亦要根據小朋友的個性去選校,如果小朋友活潑好動,該選擇一些能提供多元化學習和活動的幼稚園。


▲麥校長說:「家長選校時,可比較各學校提供嘅支援同埋配套,例如同一辦學團體提供小學、中學的聯繋學校,及在唔同區域有否設分校等,方便家長考慮搬遷時,學校能提供適切嘅協助,部份機構亦都會提供唔同類型嘅家庭及學童支援服務㗎。」

太多準備反而增加壓力

選好心儀幼稚園,下一步是跟小朋友去面試!如何令小朋友面試表現理想,從而入讀心儀學校均是爸媽關心又擔心的。大多數幼稚園面試以小組或遊戲為主導,以樂善堂轄屬幼稚園為例,主要透過小組互動及遊戲了解小朋友的特質。容校長說:「小朋友去到陌生環境會冇安全感,建議面試前可先帶小朋友到附近熟習一下環境,讓小朋友知道佢未來會喺呢間學校讀書,而前一晚可以幫小朋友做下到校嘅心理準備,例如講下聽日會去邊度、會做啲咩等。」面試是小朋友接觸學校的第一步,因此樂善堂轄屬幼稚園的面試,就是期望小朋友在一個輕鬆愉快、無壓力的情況下進行,爸媽亦毋須事前做太多準備功夫,這樣反而令小朋友的表現更自然。


▲容校長表示:「爸媽只需讓小朋友有充足睡眠,打扮得乾淨整齊,保持一個愉快輕鬆嘅心情,面試時能自由發揮、自然流露已經足夠。」

優先考慮兩類小朋友

如果家長心儀樂善堂轄屬幼稚園,就要留意其收生準則了。樂善堂轄屬幼稚園會優先考慮兩類小朋友,一是居住在學校附近,或者有哥哥、姐姐曾經就讀過樂善堂轄屬幼稚園,另外,就是家長和幼稚園學習理念相近的小朋友。麥校長說:「家長再次決定俾弟妹入讀樂善堂轄屬幼稚園,代表家長認同學校理念,而學校都希望方便家長可以一同接送小朋友。」另外,小朋友與家長之間的互動交流亦會在收生考慮當中,容校長說:「轄屬幼稚園比較多親子活動,希望可以建立到良好嘅家校合作,因此喺面試嘅過程中,老師都會留意小朋友同家長之間嘅互動表現。」


▲樂善堂轄屬幼稚園定期舉辦親子活動,希望可以建立良好的家校關係。

樂善堂李賢義幼稚園
電話:2717 5830
地址:沙田水泉澳邨映泉樓二樓
網站: http://www.loksintongkg.edu.hk/lst/

樂善堂梁泳釗幼稚園
電話:2697 0877
地址:大圍美城苑暉城閣地下
網站: http://www.loksintongkg.edu.hk/lst_stephenleung/

熱門文章

【Vivi Mama】點寫幼稚園求位信好?(附求位信sample)
09-06
聖方濟各大學升格2月後校長麥建華離任 副校長盧鐵榮署任 適時啟動招聘程序 ︱明愛專上學院
03-07
停辦潮|屯門 新一代英文幼稚園 今年8月停辦 校方指受出生率及移民潮影響
03-07
升中| 英華書院 預計1800人爭80個中一學位 僅設網上申請及單對單面試 校長透露擬開辦IAL課程
11-18
升中叩門 |2022/23學年 100間中學「叩門」收生資料
07-15

用「逆向思維」揀好 幼稚園 |趙榮德
2024-03-05
Woodland與Guidepost一起攜手並進 3所校園將重新改造 建立全新學習環境&遊戲空間
2024-01-29
ABC Pathways International Kindergarten | 中英數尖子搖籃 連續4年97% 入讀 No. 1心儀小學
2024-01-25
幼稚園面試 時孩子突「發難」,家長怎樣應付?|趙榮德
2024-01-15
耀中國際學校 | 項目式學習 為學生培育國際化視野 心繫社會
2024-01-12
圓玄學院幼稚園|圓玄學院屬下幼稚園共斥千萬元增聘外籍英語教師 一半課時採英語教學
2023-12-29
查看更多   ▸