【Esther Chu】有一種魔法稱為「重視」,只要「重視」事情就有時間發生

2019-09-18


我老公成日都講:「你想做嘅嘢,無論幾忙、幾冇時間,你都⼀定會騰空到時間去做!」

換句話講,咪即係價值觀,你睇乜嘢係重要,無論如何都會搵時間做到。例如有啲朋友幾忙都會見、有啲地方幾遠都會去、有啲事幾攰都會做、有啲問題幾困難都會解決……………..只要你覺得值得,無論如何都會去做!

當然,老公呢句說話係針對我講嘅😅 ,因為好多時候,我話我冇時間,果啲嘢我做唔到,又或唔記得咗做,但係佢見我又有時間做其他嘢喎,所以先有感而發…………

老公同我講到明唔係批評,亦唔係指責我冇做或唔記得果啲嘢,佢只不過講事實,每一個人都係咁,佢哋會做同埋記得佢哋最緊張嘅事情。

不過,佢同我咁講嘅時候,都係有點深深不忿,好想反駁。(兩公婆總有呢啲辯論嘅時候😅 ) 但係想深一層,都係有道理嘅,因為我哋嘅思想同時間放響邊度、個心就會響嗰度。跟住個心做嘢,固然有動力。不過作為一個成年人,都要顧全大局,唔係單顧自己認為緊要嘅事,有時亦都要學習捨棄,做啲響家庭成員裏面大家都重視嘅事情,咁樣先係成熟,而唔係自我中心,代表你重視大家多過緊張自己!

就好似上星期,收到細仔學校旅行通知,家長可以同行。其實,平日細仔對於學校嘅通告都唔多放上心,有時問佢係乜嘢嚟,佢都答到我亂晒籠,我要問返佢果班嘅家長group先知係啲乜嘢。

但係,呢個學校旅行通告,細仔就千叮萬囑我要填好交俾班主任,又不停問我會否出席。由於旅行嗰日係平日,我有一個緊要嘅會要開,我十分坦白咁同佢講,真係可能去唔到,要諗一諗,安排一下。

之後,佢日日係咁同我講,你決定好未?你可唔可以同班主任講話你可以去?琴日接細仔放學,佢又第一時間同我講:「我諗到個辦法,不如你同你開會啲人講,你唔得閒開會,因為你要同個仔去學校旅行have fun,然後即刻走?」

我唔知道佢點樣諗咗呢個辦法出嚟?但係一個平日好多嘢都唔記得嘅小朋友,竟然日日響度提我,顯然呢件事對佢非常重要,而我亦應該重視佢重視嘅事情,而重要嘅事情,就算冇時間,都可以騰到時間出嚟去實行,係一種魔法稱為「重視」,只要你「重視」,事情就有時間發生。

多謝細仔,佢先出招,日日使出魔法「Wee Wun Wun」叮醒咗我,令我知道原來佢咁重視我,所以,我都使出魔法,叮啲時間出嚟陪佢去學校旅行have fun !

你呢?你「Wee Wun Wun」咗未?

 

作者:Esther Chu

其他文章:

【Esther Chu】相處比跑景點重要

【Esther Chu】掛羊頭Happy School 升小一女童因學業壓力濕疹復發 

熱門文章

【孩子創意】未來世界要甚麼?| Hello Bonnie 國際親子台
10-27
【另類教養】天天推8歲及3歲女兒到店面幫手「兼職」惹爭議 媽媽:教曉她們世上無免費午餐
10-28
【育兒心得】媽媽發文請教4歲孩子應學識甚麼 網友互相比較 專家:4歲孩子只需要知道這10件事
10-22
【主流教學】教得深?│繆美詩
10-23
【育兒心得】同理心(Empathy)多面睇│李偉堂博士
10-29

【就是開不了口】華人父職研究:爸爸的愛總是說不出來的原因|招雋寧
2020-10-29
【育兒心得】同理心(Empathy)多面睇│李偉堂博士
2020-10-29
【另類教養】天天推8歲及3歲女兒到店面幫手「兼職」惹爭議 媽媽:教曉她們世上無免費午餐
2020-10-28
【親子教養】情緒處理好 管教更有效︳香港青年協會
2020-10-28
【父母感受】每天都是感恩節│睡公主
2020-10-28
【天賦培養】你,錯過音樂了嗎? | Gary 老師
2020-10-27
查看更多   ▸