【Mrs J Kitchen】熱情果杯子蛋糕（無泡打粉）
2019-09-30
一湊二每日都好忙，有時會好攰，早餐未必會花很多時間預備！
有一日早上，鬧鐘仍未響起，竟然自己醒來了，比平時多了半小時，決定快快手整蛋糕俾兩兄弟做早餐！因為無預計整蛋糕，所以無預先準備材料，見到有新鮮熱情果就加落去整，好香呢！
弟弟聽到我起咗身又跟埋我起身，搞到一邊整一邊俾佢催我，依家識講「等咗好耐啦！得未呀？」
兩兄弟食完第一轉就跑去廚房話「排隊先！我仲要食！好好味！唔該晒媽媽！」俾佢地兩兄弟笑死我，媽媽我未食蛋糕都甜到漏啦！最緊要佢地食得開心，就滿足啦！！
