【趙榮德】點解答錯、做錯都入到名幼稚園?

2019-10-10


有很多人,包括家長和面試專家,都認為幼稚園面試,最重要是答「中」和答「到」題目,但有一個家長對我說:「面試最重要是有禮貌、有信心和有笑容,答案最好有內容,就算冇,必須用禮貌搭夠!」

以下為該家長的分享

趙為本人    家為家長

趙:當日是否妳和husband與女兒去參加名幼稚園的面試?

家:是的。我哋上午十一時左右去到幼稚園,踏入等待的課室時,遇上一位衣着像老師的女士,女兒以為她是老師,立即恭恭敬敬的邊點頭、邊說:「老師早晨!」

「早晨,我是副校長呀!」副校長笑着答。

「校長早晨!」個女「落手打三更」,以為副校長即校即係校長,所以用校長來作稱呼,誰知錯有錯着,雖然用錯稱呼,副校長卻非常「受落」。

趙:在等候面試過程,你女兒做些甚麼?

家:她靜靜坐在一旁,看其他小朋友面試。學校安排得很有秩序,等了十分鐘左右便輪到她了。

趙:面試女兒的表現怎樣?

家:老實說,我和husband要返工,冇乜時間同個女準備,只幫佢玩過LEGO、積木,到超市認識過啲生果,做過一兩次「模擬面試」,等佢知道面試嘅程序,叫佢無論識唔識,都一定要答,以及唔識答要話唔識,重有,叫佢答錯就要認,做錯要道歉,同埋一定要有禮貌,大聲啲叫人!

趙:好多規條要記,個女是否記得?

家:果啲規條其實係本人我教佢嘅「習慣」habit,佢自幼已經耳熟能詳,面試不過是重複講幾次。

趙:好嘞,女兒當日表現是否理想?

家:「閒談」部分好。「遊戲」部份差:老師叫佢把積木疊高,佢竟然不小心,把幾塊積木跌落地上,好在老師幫佢執番啲積木上來,而個女識道歉兼多謝說:「唔好意思,我唔小心將啲積木推跌落地,多謝老師幫我執留上來!」老師答:「冇問題,快啲將啲積木疊高!」結果女兒順利完成「使命」。

趙:撞過一次板,女兒有冇再錯多次?

家:有,老師考個女認知能力,喺枱面拿起一塊dummy牛扒,問她是其麼?我哋喺屋企,食過豬扒,卻很少食牛扒,所以女兒便答:「呢塊係豬扒!」老師立刻改正:「唔係,呢塊係牛扒!」個女點頭答:「啊,原來係牛扒……多謝老師話俾我知。」

趙:你女兒知道錯立即改正,重第一時間多謝老師,應該順利被取錄,對嗎?

家:對!所以我認為幼稚園面試,最重要是禮貌同埋肯認錯。答啱固然更好,但啱而冇禮貌未必會收你,反而錯而識認錯會有意想不到的「收獲」!

趙:好多學校喜歡收啲又叻又有禮貌的孩子,如果要學校在叻與禮貌兩樣揀,佢哋多會揀禮貌多過叻,因為叻容易教到,禮貌卻不容易教到也!

 

作者︰趙榮德

其他文章:

【趙榮德】不宜替子女找一間距離住所遠的幼稚園

【趙榮德】小一入學制度有些向私立小學「傾斜」

熱門文章

【教育熱話】2500元學生津貼學校今起領表 申請手續一帖睇
09-30
【教育熱話】6學生代表香港出戰國際數學奧林匹克 奪三銀三銅
09-29
新學年$2500學生津貼明起接受申請 11月6日截止
09-29
【高主教書院】加強電子教學 大數據分析學生成績
09-29
【校監分享】Happy School能否銜接本地主流小學?
09-30

【校監分享】Happy School能否銜接本地主流小學?
2020-09-30
【20/21學年最新懶人包】18區幼稚園學費排行榜
2020-09-25
【樂善堂轄屬幼稚園】親子讀繪本 將藝術融入品德教育
2020-09-25
【IB以外的熱門升學出路】加拿大學制的6大優勢
2020-09-24
【K1面試】幼稚園入學 熱門家長、小朋友面試題目
2020-09-23
【K1面試】家長必看幼稚園K1面試 十大熱門問題
2020-09-21
查看更多   ▸