【魔怪媽媽】讚賞的方式

小時候最怕家長日，怕老師在媽媽面前亂說話；做媽媽後更怕家長日，總覺得現在的老師跟以前都不一樣了，明明大魔怪在家中人如其名，老師竟然也有可以稱讚的事，甚至要求我在家中也要多稱讚他。

「我有讚他『叻』和『乖』呀！」我說。

原來，那是不夠的。如果老師可以跟我真誠對話，我肯定她想說我「膚淺」！

言之有物，是文章重點，也是稱讚的要點。

吃飯快、寫字快……便照直讚好了。

「你食飯食得好快啵！」、「寫字真係快！」說這些話前要加上誇張表情和身體語言，效果才得以Power Up！

相比之下，言之有物的讚賞不難，更難的，是將「鬧」變成正面鼓勵，因為這樣更有效改善小朋友的行為。

例如：「乜你咁慢架！教左咁多次你都唔識寫！」

應該說成：「你好有恆心啵！我地差少少咋，努力D！一定做到既！」而「乜你咁慢」這些就是多餘，因為有耐性及有恆心是需要時間來證明，所以可以SKIP掉。

又例如：「衰仔！你食飯食咁鬼耐，碗飯凍曬生虫架啦你！」

可以說成：「我地要食快少少啦！如果唔係碗飯凍曬冇益。」

聽過老師的「教導」，在回家的路上我擬定了很多正面的措詞。請去刷牙洗面就可以話：「請做一個整齊清潔既小朋友。」不要講大話就可以講成：「做一個誠實既人。」早D瞓就可以講成：「要早睡早起先健康。」

滿以為可以因此成為一個「讚美」既家長，點知，當我回到家中，見到大小魔怪將全屋玩具掉得一地，而兩位小朋友仲係梳化上面跳來跳去……

……SORRY，我諗學識時刻讚美佢地之前，我應該先學識點樣ALWAYS THINK POSITIVE……

作者：魔怪媽媽

如欲閱讀更多魔怪媽媽的文章，可瀏覽基督教女青年會Facebook專頁：她說