【趙榮德】搵間「學得多」而唔係「教得多」嘅幼稚園

2019-10-18


最近,和一位家長談起揀幼稚園的核心問題,她主張揀一間難入難讀的幼稚園,我卻主張揀一間易入易學的幼稚園。以下為我們的討論內容,在決定揀哪種幼稚園之前,不妨細讀,包你有所得着。

趙為本人   家為家長

家:趙Sir,想知道葵青聖XX那一間幼稚園點解咁受歡迎,我朋友話俾我知,果間幼稚園有1,200人報,只有120個位,我想俾個女去讀,但又唔知有乜辦法?

趙:你其實問了我兩個問題:一是果間幼稚園咁多人報嘅原因;二是想知道一個入讀該幼稚園嘅辦法。先答第一條,果間幼稚園多人報表示受歡迎,而受歡迎嘅幼稚園在香港,多數係教得多及教得深,家長認為咁先會入到名小學。至於第二條題目,我嘅答案係同個女準備好個面試就夠,唔使叫人介入或者叫人寫推薦書。

家:咁,我想個女考入呢間幼稚園豈不是好渺茫,只有十份之一機會咋!

趙:的確係難入!其實你鍾意間幼稚園邊方面好?

家:間幼稚園多人報,而且好多人話間幼稚園的老師好肯教。

趙:明白。你有冇諗過喺葵青區,除了你心儀嘅幼稚園,仲有十八間幼稚園質素同佢一樣?

家:係咩?冇諗過!我以為葵青最好係呢一間,1,200人報喎!

趙:多人報未必是最好,我睇晒教育局嘅「幼稚園質素評核報告」,亦自己出咗本書將所有參加「教育局優質免費幼稚園計劃」嘅幼稚園評晒級,發覺喺A++,A+,A及A-這四個級別*,你心儀果間只得A(即第三級),而在葵青,有十八間幼稚園的評級是A的。所以,你大可以考慮其他十七間同評級但比較易入嘅幼稚園,你甚至可以考慮A++果兩間。

熱門文章

【指點迷津】新手家長點樣「叩門」?︳趙榮德
06-04
【小學派位】獲派15志願感失望 擬向心儀校叩門
06-04
【小一入學】錯在第二志願│Ian Tsang
06-04
【不一樣的下學期】小朋友跟得上進度嗎?
05-26
【Ian Tsang】怎麼捨得(Band 1中學)你
04-06

六成免費幼教幼園申加學費
2020-04-22
【趙榮德】一次過睇39間優質免費幼稚園 部分評級「飛躍進步」連升2級
2020-04-08
【陳雋騫】幼稚園面試
2020-03-12
【H.Y老師】N班面試拍攝影片小貼士
2020-03-09
【 安妮親子日記】 Aidan 幼稚園面試心得
2020-03-03
【趙榮德】疫情影響下,N班介紹短片應點樣拍
2020-03-03
查看更多   ▸