【80後手作媽媽】BB唔肯食奶應如何處理?

2019-11-09


今日我好想分享一下我餵奶時遇上的問題,話說小Sheryl喺2個月零1個禮拜開始,食奶開始好唔合作,例如經常食幾啖就開始唔肯食,又擰開個頭又推開個樽又喊喊,次次都要同佢戰鬥好耐先至可以完成到一餐奶。佢當時就食緊大約150ML-180ML,每次食奶都食成個幾鐘,甚至試過食2個鐘,真係少啲耐性都唔得。果個時候我就上網研究下又問下朋友點解佢會咁,原來係因為佢過渡緊厭奶期。

有啲BB大約2-4個月會出現厭奶的情況,就係話佢開始睇得清楚周圍嘅事物,所以就產生好奇心,變得唔專心食奶,所以就唔肯食奶,網上就話一般嚟講厭奶期會出現大概2星期,之後就會好番。厭奶期期間,盡可能製造一個安靜的環境俾佢食奶,唔好開電視,唔好有太多人嘢同埋喺佢面前走來走去,讓佢可以專心啲食奶就會好啲。

可惜到咗第3個幾星期,即使食奶時已經好安靜,佢理應好專心,但係佢仍然都係成日扭計唔肯食,而且奶量仲愈食愈少,由原本150ML-180ML變左好多時因係食100ML-130ML,我就開始好擔心,怕佢會跌磅,而且亦都唔明白已經咁耐了,點解佢食奶仲會食成咁… 所以我就打電話去衛生署問下啲姑娘意見。

我將BB嘅情況講俾姑娘知,姑娘亦好細心咁問我好多問題去了解BB嘅狀況,例如係佢食奶的次數、奶量、便便的情況、磅數、會有咩人餵佢、瞓覺情況等等,最後,姑娘問咗我一個問題,就係餵奶時有無「敲樽」嘅習慣,我就話有,其實呢個動作一開始係陪月姨姨教,佢話如果BB停咗唔啜嘅時候,就敲下個樽提佢啜,所以我都有做個呢動作,而且都有教姐姐咁做。而我亦仔細咁諗番,一開始姐姐餵奶都係跟我嘅指示喺佢唔啜嘅時候敲樽提佢,但大概係1個月前,我發現姐姐開始唔係在佢唔啜時敲樽,而係由一開始飲就一直不停敲樽,即使佢啜緊都照係咁敲樽,而我又唔知原本呢個動作係會有Negative feedback,所以都無特別出聲。

熱門文章

懷孕│公佈~我懷孕了~│Yennie Darkins
07-29
老公注意|懷孕女星遭老公嘲笑身材走樣 委屈落淚:有些玩笑不可以開 十句不要對孕媽媽說的話
11-30
影全家福+孕照│Yennie Darkins
07-31
兒童偏食|注意用餐安排 改善寶寶偏食
11-29
媽媽分享:老公問大家都係做咗一日嘢 點解全職媽媽攰到似喪屍兼面燶燶 因為有開工無收工 辛勞被人無視無人讚
05-08

pamajunior_cat

查看更多   ▸
感官發展│寶寶出世前要培養聽覺 連結認知和肌肉協調力
2021-11-05
久坐BB車致發展遲緩? 催生容器嬰兒亂象
2021-11-04
嬰幼兒視覺連結肌肉 協調身體發展
2021-10-29
啟發BB大腦潛能|親體乳脂配方奶粉3大關鍵成分
2021-10-29
育兒好味分享│健康零食!Cheer果仁!滿滿蛋白質吸收!│Kylife
2021-10-28
【母乳研究知多啲】「寶寶免疫力關注組」組長illu-lulu為你解構6種HMO奧秘
2021-10-26
查看更多   ▸