【80後手作媽媽】BB便便和私處的處理

今日想講下BB嘅便便同私處嘅處理，我個人覺得呢項十分重要，因為我自己小朋友嘅時候就試過尿道炎，係十分手尾長，好痛苦而且好難根治，尤其係女仔，由於女性尿道較短，而且女性尿道口離肛門較近，所以如果處理得唔好就好容易會受感染。而且最近有位近親嘅BB，係男仔都因為尿道炎發燒入左院4日，所以我特別注意呢個問題，每次都會好小心處理，今日想同大家分享一下:

1. 幫BB勤換片

BB只係會飲奶，佢每日都吸收好多水份，所以便便次數正常會係好多次，我哋應該多留意BB嘅片片，只要一見到尿濕指示係轉咗，就唔好猶豫啦，應該立即同BB換片!

2. 擦BB Pat Pat的方向

每次為BB擦Pat Pat都應該向後擦，即係意思係向背脊方向擦，唔好向前（即向尿道口），因為如果你向前擦，就好可能將污衊野帶入尿道，增加尿道炎嘅發生率了。

3. 待Pat Pat乾爽了才穿尿片及塗Pat Pat膏

為BB抹乾淨後，盡可能唔好即刻穿片片，可用手向Pat Pat潑幾下俾啲空氣讓Pat Pat乾爽一點，又或者用乾的棉片輕輕印下Pat Pat讓佢快啲乾爽啲，跟住記得幫BB的Pat Pat隙位置塗上Pat Pat膏，有助治療同預防紅Pat Pat的問題，之後先為BB穿上尿片，穿尿片的鬆緊度要適中，唔好太緊也唔好太鬆。