【80後手作媽媽】分享快速安全沖奶法
2019-11-09
由於小Sheryl初初尤其頭1個月，每次一到肚餓都會拎頭找，跟住開始叫，再等多數分鐘就好快大叫大喊，原本餵人奶就即時可以餵，但係由於我的奶量少得好慘，所以每次食完人奶佢都仍然好肚餓，要立即補奶粉，而由於每次沖奶粉都必須用70度或以上的水去沖，以殺掉奶粉當中的細菌，而由於要用70度水沖奶，沖好的奶都需要坐番凍佢又或者用凍水沖樽身去校番好個溫度先可以俾寶寶食，前前後後都要花接近20-30分鐘先有得餵寶寶食，由於成日都搞好耐寶寶都已經好唔耐煩，因此我地就找出一個又快速又安全嘅沖奶方法，想分享俾各位媽媽作參考哦!~
我嘅方法係先用50-60ML的熱水溶好奶粉，然後再加水至我想要沖的奶量，即步驟如下:
1. 先用少量熱水溶好奶粉
由於必須要用70度或以上的水，我就用了水溫計算機計算出剛煲好的100度水要加多少室溫水先係70度，即是說假如我要沖120ML奶，即2蓋奶粉，我先倒50ML的70度水入奶樽溶好奶粉（即是用30ML的100度水加上20ML的25度室溫水），然後落2蓋奶粉，搖奶樽直至奶粉全溶。