【止咳潤肺】31款潤喉止咳湯水合集

天氣時冷時熱，好多小朋友都會有氣管或咳嗽的問題。如果食藥之後，依然好難斷尾，不妨試吓煲以下幾款 止咳湯水 ，或者可以有所改善。當然，每個人體質不同，咳嗽原因有異，飲用後的效果自然有所不同，如有問題必定要咨詢醫生﹗

1.金羅漢果蘋果茶

材料：金羅漢果 1個 (用普通羅漢果都得)、蘋果 2個、紫花果 3-4粒 (用黃色嘅無花果都得)、 椰片 1把、陳皮 1小瓣、 水 2L

做法： 陳皮以清水浸軟刮囊，蘋果刮去皮上的蠟，洗淨，去芯切件。紫花果然椰片浸洗淨，剪開一半。羅漢果洗淨，用手握碎。煲內注入水，加入所有材料，大火滾5分鐘，轉小火煲1小時，熄火焗15分鐘，然後隔走羅漢果，完成。

詳細食譜：【清熱潤喉】金羅漢果蘋果茶

2. 青欖龍脷葉羅漢果海底椰湯

材料：瘦肉約$40、龍脷葉一両(約$10)、青欖十粒、羅漢果半個、南北杏一湯匙、新鮮海底椰(棕櫚果)3個

做法：新鮮海底椰切開；青欖用刀背略拍扁；羅漢果壓碎。新鮮海底椰有一層薄皮，千其唔好除去，海底椰薄皮可以化痰止咳。龍脷葉洗淨；豬肉汆水備用。煲內加入約3.5L水，然後加入所有材料。待水滾後以大火加蓋煲約30分鐘，再轉慢火加蓋煲多1個半小時。加少少鹽就飲得！

詳細食譜：【小小豬】舒緩喉嚨痛 青欖龍脷葉羅漢果海底椰湯

3. 羅漢果杞子菊花茶

材料：羅漢果、＄１０菊花、一湯匙杞子

做法：杞子、菊花就用水浸洗；羅漢果壓碎。煲內放入3L水，然後加入羅漢果。待水滾用，用大火加蓋煲約30分鐘。轉慢火加蓋煲多30分鐘。之後就再加入菊花及杞子。最後再煲多10分鐘。熄火後，立即夾起材料。

詳細食譜：【小小豬】舒緩喉嚨痛羅漢果杞子菊花茶

4.玉竹雪耳蘋果湯

材料：蘋果3個、雪耳，玉竹，百合，栗子乾各一兩、南北杏一湯匙

做法：其他藥材浸洗、雪耳浸軟剪切塊；蘋果刮去果蠟，洗淨去芯切塊。煲內放約2L水，待水滾後加入所有材料(雪耳除外)。用大火加蓋煲約10分鐘，加入雪耳，轉慢火加蓋煲多1小時，最後加少少鹽調味就可以飲得。

詳細食譜：【小小豬】玉竹雪耳蘋果湯

5.馬蹄紅蘿蔔海底椰湯

​材料：紅蘿蔔1條、馬蹄8顆 、海底椰 1兩、海星 1隻、雪耳1小朵、蓮子適量、茨實適量、淮山適量、果皮 1小塊、蜜棗2顆、瘦肉1塊     

做法： 瘦肉切大塊汆水後， 煲滾水後把全部材料放入煲3小時， 加鹽調味即可。 

詳細食譜：【QB媽媽】馬蹄紅蘿蔔海底椰湯 – 感冒初癒，潤喉化痰