【珊妮思】大懵的媽媽vs感恩的暖男
2020-01-20
今日發生咗幾件事令我當頭棒喝…
1）事源我呢個大頭蝦阿媽尋日睇完學校通告，都仲睇唔到啲細字通知我哋小朋友今日唔使著校服….所以今日成班得希林一個著住校服…
2）希林今日放學手拿住一個「春」字揮春，字體整齊得我以為係老師寫，但原來係希林自己寫
3）希林派番上星期考試嘅試卷，比之前進步咗！只有一科扣了2分，雖然第二同第三件事令我好開心，但第一件事係最深刻同最感動…點解？
話說第一件事理應會令到希林喺今日短短兩小時的新春party無晒心機…所以我放學時即擁抱住希林向佢道歉….
我：「希林…媽媽對你唔住呀…媽媽好大懵…唔記得咗今日唔使著校服…你原唔原諒媽媽呀？…」
希：「唔緊要～媽媽，你做錯咩事我都會原諒你！」
媽：「我知你今日喺學校實好唔開心…」 希：「唔會呀～」
媽：「媽媽再做錯嘢…激嬲咗你…你會再原諒我？」
希：「我會原諒媽媽一百次！唔係！係一億次！」
老實說…好成續同好品格兩者比較起上嚟…好品格更加能感動我同感到振奮！因為成績可以短時間催谷…但小孩的品格並非一時三刻塑造到.. 感恩希林常常懷著喜樂的心、感恩的胸襟❤️盼望希林以後都要時常寬恕別人最後感謝希林豬俾我嚟提醒我係時候改變自己！感謝主❤️Amen!
作者：珊妮思
其他文章：