新年 消滯｜不停口吃煎炸零食 6款湯水茶飲下火清熱

新年 消滯 ｜過年各種零食果仁少不了，醒覺食得太多時已經太遲，喉嚨痛之餘生痱滋又爆瘡。不過不用怕，以下幾種湯水、茶水、糖水材料簡單，煲水即飲，總有一款幫到你。

湯水

紅蘿蔔馬蹄茅根甘蔗水

蘿蔔養胃，馬蹄、茅根、甘蔗都清熱下火潤肺，有助舒緩燥熱乾咳等問題。

馬蹄10粒，甘蔗1束，紅蘿蔔1個，茅根1束，水2公升

馬蹄去皮，甘蔗切段，蘿蔔去皮切件，水滾後一齊放入鍋中，煲1小時即成。

涼瓜黃豆羅漢果湯

涼瓜清熱下火，羅漢果有「神仙果」之稱，味甘性涼，有潤肺止咳，生津止渴功效。

西施骨550克，黃豆50克，羅漢果1個，涼瓜1條，紅蘿蔔1條，粟米1條，水6-8杯

西施骨凍水汆水。黃豆沖淨，浸水至隔日，瀝水；羅漢果壓開。涼瓜切半，去核及囊，切件；紅蘿蔔去皮，切件；粟米洗淨，切件。煲內注入水煮滾，加
入所有材料後再次煮滾，轉中小火煲2小時即可。