【趙榮德】破解三個在家準備子女考維稚園的迷思!

2020-02-07


有家長用以下自以為是的方法,在家裏訓練小朋友,作考幼稚園的準備,她走來和我討論,要我給她意見。我發覺她的方法全都是教子女的「迷思」(Myths)。各位想知道我怎樣破解她的「迷思」,一定要細心閱讀我們討論的內容:

趙為本人     家為家長

家:我知道免費幼稚園之弱項為英文,為了補救,因此第一個方法為「在家中全英語對話」。我和丈夫及菲傭姐只和個仔講英文,咁樣希望個仔考稚園面試時用流利英文作答,機會大好多。

趙:如果你準備個仔考國際幼稚園,在家「全天候」同佢英文被取錄機會應該十分高,但如果你準備同佢考免費幼稚園或私立獨立幼稚園,就有麻煩,因為差不多全部免費幼稚園都用廣東話考面試,你個小朋友只識講英文,廣東話對佢來講係「火星文」,面對「火星文」,佢一定慌忙失措,唔知點算,就算係私立獨立幼稚園,卻唔係間間用英文考的,萬一用到中文考,你個仔一定講到「古靈精怪」。

家:係呀,佢會用英文口音講中文,句子尾會提高聲音,比較古怪。

趙:咁樣講法,好難收服佢,我提議你哋兩個,爹哋同佢講中文,媽咪同佢講英文,等佢好好學懂兩個語言,考免費幼稚園同私立獨立幼稚園仲實用。第二個方法係乜?

家:明白!第二個係「『全天候』在家照顧個仔」。所謂「全天候」,無論衣、食、住、行,我們照顧到個仔無微不至,等佢一啲都唔使操心,何如:一起身我會幫佢着衫,同佢準備早餐,佢唔識食我哋會餵佢,去街會幫佢着鞋,咁樣,佢一定感受到我哋愛惜佢。

趙:俾小朋友感受到媽咪爹哋愛惜,固然令佢有安全感,但係亦唔需要樣樣幫到十足,例如着衫,第一次你可以幫佢着,第三次教佢試吓自己着,食早餐初時可以餵,慢慢就要佢學習自己食,千祈唔好過份照顧,因為過份照顧會令佢依賴你,愛之過足之害之,果陣時愛便變為縱,你縱容佢,佢便自己唔可以獨立了!第三個方法係乜?

家:第三個方法係「單向在牀上講故事(Bedtime story )」。我哋會每晚喺佢瞓覺前,同佢英文或中文故事。我哋會負責講,佢靜靜地聽,我相信個仔會覺得温馨。

趙:同意。其實牀上講故事,除咗建立親子關係,仲可以令小朋友學講多種語言,點樣學呢?你可以把講故事,由單向變成雙向,由爹哋或媽咪讀,改為你哋讀完到個仔讀,同時要大聲朗讀,俾個仔朗讀嘅好處係佢會更加集中精神,注意每個字的讀音、教事的內容及情節嘅發展。

有時間你哋仲可以5W (who, when , why, what, how)來問一些簡單題目,增加小朋友的閱讀興趣。

家:係喎,一石二鳥,既可以親子,又可以俾個仔「聽、說、讀」一個語文,多謝趙Sir 提供意見。

趙:不用客氣,討論過之後,我知道你一定會懂得點樣喺屋企準備小朋友考心儀幼稚園了!

 

作者︰趙榮德

其他文章:

【趙榮德】Playgroup是否一定要讀? 

熱門文章

【升中派位】女兒派名校勝首三志願 家長激動「開心到彈起」
07-08
【IB課程】英基誕12名IB狀元 佔全港半數 韓裔女生留港讀醫
07-07
【教育點評】對不起今年的學生│詹漢銘
07-06
【新冠肺炎】因風險評估、有家長確診、曾接觸確診者 6間小學宣佈即日停課、提早放暑假
07-10
【小一入學】報讀21/22年直資及私立小學留意 一文睇哂:報名及面試時間
07-05

【幼小教育博覽】匯聚校長分享 解構升學問題
2020-07-10
【走入大自然】EIS International Pre-school體驗式學習 培養幼兒身心發展
2020-06-08
【升幼】德萃幼稚園 下月入學簡介會現正報名
2020-06-26
【幼稚園入學】七所「讀得開心、學得愉快」的 優質幼稚園 │趙榮德
2020-06-19
【升幼攻略】香港幼稚園面試常見形式和流程│校長貓媽媽
2020-06-11
【升N班升幼】報讀2021-2022N班及幼稚園之準備│校長貓媽媽
2020-06-08
【升N班升幼】報讀2021-2022N班及幼稚園之準備│校長貓媽媽
2020-06-08

九月開學之後,又係每年重要的日子~ 新生報名日、📝面試日 仲有幾個月,係時候準備一下💪🏻💪🏻💪

查看更多   ▸