【梁雅琳】迷你鮮果吐司盒
2016-02-22
賣相精美的甜品，只係齋睇都會俘虜唔少大小朋友嘅心!
流行了一段時間的蜜糖吐司盒，吸引之處當然係因為麵包的香脆和水果的鮮甜。是次整比阿BU食，當然我唔會加雪糕，免得佢食完超hyper！其實呢款迷你麵包多士，用作小朋友的下午茶，絕對perfect！ 爸媽可以放入不同的水果粒或加入果仁，增加小朋友吸收不同維他命和纖維。
平常需要三至四個大人才能消滅的巨大吐司盒，變成「的的骰骰」的迷你多士杯，相信小朋友見到未食都先興奮！
《迷你鮮果吐司盒》
材料：
白方包 2片
士多啤梨 2-3粒
藍莓 5-8粒
奇異果 1/2個
白朱古力粒 20克
雞蛋液 適量
做法：
1）白方包四個角位各切去一個小正方形，掃上蛋液，摺成盒形放於模具內。
2）放入已預熱的焗爐內以180℃焗10-15分鐘至金黃，取出備用。
3）士多啤梨洗淨瀝水；藍莓洗淨瀝水；奇異果洗淨去皮，切粒備用。
4）白朱古力粒隔熱水煮溶。
5）於迷你吐司盒內放入士多啤梨、藍莓和奇異果粒，然後淋上白朱古力醬，完成。
貼士：
*可加入果仁碎放上面，添加脆卜卜的口感，同時亦增加營養。
**宜選用水分較少的水果放入吐司盒內，讓吐司盒保持脆身。
相關文章：【梁雅琳】彩色脆脆雲吞杯
【梁雅琳】甘筍粟米蒸蛋糕