【 安妮媽媽二胎懷孕日記 】 早孕期QE產檢分享
2020-02-29
*QE排期（ 5w ）
喺私家醫生拎到懷孕證明後就可以去政府醫院登記排期。
*政府醫院多數都不接納跨區生BB。而公務員、醫管局員工及其家屬，可以排QE、威院和瑪麗醫院。
上一胎我係伊利沙伯醫院分娩，所以今胎都決定揀番QE。
而且QE係「愛嬰醫院」，十分支持母乳餵哺，我上胎生完之後都得到好大幫助，姑娘會好細心教我點親餵，同提供好多母乳餵哺的資訊給我。
QE公務員或家屬婦產科登記處係L座1樓，可fax或親身前往登記。
登記要準備身份證，住址證明，懷孕證明和老公的身份證副本。
*第一次登記會拎到兩個期。
10W左右見助產士和26W左右見醫生，至於唐氏和糖水期，會喺第一次見姑娘時再睇下有無期，有期先會俾。
上胎有期可以排到結構，但今次去職員已經通知一定無，除非係高危人士或貧血產婦，如果唔係唔會俾，話因為政府cut醫院的資源，唉。