【和牛b的成長日記】疫症下去公立醫院生BB不可以陪產? 沒有探病時間?

38週5嘅早上，二寶終於出世啦～

轉眼間嚟到38週4嘅晚上，我有規律性嘅陣痛。覺得肚底抽住痛一陣，一個鐘頭每隔15分鐘就痛一痛。所以，老公就陪我入醫院待產了。好彩我哋搭的士，而唔選擇揸車。

而家雖然係疫症期間，其實我間中陣痛都好需要有老公依靠。入到醫院，首先要到臨時區探熱量體溫。
然後拎住入院嘅VIP卡，直踩上B4產房做分流登記。咁呢個時候，老公同平時一樣都係唔入得去住。太太入去產房做分流、檢查、登記。

疫症期間，所以姑娘會問得比較詳細，例如有無離開香港、去過中國或者其他地方，有無發燒、傷風咳嘅症狀等。

然後就進行一般檢查，例如磅重、聽BB心跳、度肚、摸肚。

姑娘整理排版同時會做埋入院用文件，等老公同步去辦理入院手續。

完成入院手續，拎埋排版。就可以去產前病房，疫症期間老公只可以陪我去到病房門口，就要將行李交俾姑娘，姑娘幫手拎。